Ba zan shiga ruɗani ba saboda matsalolin Man United – Amorim
Published: 26th, January 2025 GMT
Ruben Amorim ya yi amai ya lashe kan kalaman da ya yi cewar ƙungiyarsa ta Manchester United ta kakar nan ita ce mafi muni a tarihi.
Sai dai ya ce ba zai yi yaudara ba da cewar ba su da manyan matsaloli ba a kasa.
Amorim ya ce ya yi kuskure da ya samar da baraka lokacin da ya fuskanci ƴan wasa nan take, bayan tashi karawar da Brighton ta yi nasara 3-1 a Premier League.
Hakan ya sa ya gana da ƴan jarida cikin fushi da ta kai ya faɗi wasu kalaman.
An tambaye shi ko ya san cece-kucen da batunsa ya haifar kafin fuskantar Rangers a Europa League, Amorin sai ya ce yana magana da kansa ba da ƴan wasa ba.
Sai dai ya amince da dukkan sakamakon da ya faru a United tun bayan da ya kama aiki a cikin Nuwamba – Ya samu maki 11 da rashin nasara shida daga wasa 11 a Premier League – wannan ba abin a yaba bane.
”Ina magana da kaina fiye da ƴan wasa, kamar yadda Amorim ya ce ”Amma wasu lokutan yana da wuya na ɓoye fushi na.”
United tana gurbin da za ta iya kai wa zagayen ƴan 16 a Europa League kai tsaye, an fitar da ita a League Cup, kuma tana ta 13 a teburin Premier League.
Har yanzu akwai batun da ake tambaya kan dakikin da United ba ta kokari a gida, wadda aka doke wasa huɗu daga biyar da ta yi baya.
An doke United wasa shida daga 12 da ta yi a Old Trafford a Premier League – ƙwazo mafi muni tun bayan 1893-94.
Watakila United ta fuskanci wasannin gaba da kwarin gwiwa, saboda mai tsaron baya, Victor Lindelof ya koma atisaye bayan jinya, haka shima Marcus Rashford ya fara karɓar horo, wanda ake alakanta shi da wasu ƙungiyoyin.
উৎস: Radio Nigeria Kaduna Hausa
এছাড়াও পড়ুন:
Neja Za Ta Kaddamar da Ayyukan Jiragen Sama Daga Filin Jirgin Sama na Bola Ahmed Tinubu.
Gwamnatin jihar Neja za ta fara gudanar da zirga-zirgar jiragen sama daga sabon filin jirgin saman Bola Ahmed Tinubu da aka kaddamar a Minna, tare da kamfanin Overland Airways Limited.
Hakan na kunshe ne a cikin wata sanarwa da babban jami’in kula da zirga-zirgar jiragen sama na Overland, Captain Edward Boyo ya raba wa manema labarai a Minna, babban birnin jihar Neja.
Ya bayyana cewa an shirya fara jigilar jiragen a ranar 23 ga Afrilu, 2025, wanda zai hada Minna zuwa Abuja da Legas, manyan biranen siyasa da kasuwanci na Najeriya.
Kyaftin Boyo ya bayyana cewa, haɗin gwiwa da kamfanin na Overland Airways—kamfanin jiragen sama masu zaman kansu mafi dadewa a Najeriya—yana wakiltar wani muhimmin ci gaba na aiwatar da tsarin raya ababen more rayuwa na Gwamna Bago da kuma sanya jihar Neja a matsayin cibiyar sa hannun jari, kasuwanci, da yawon buɗe ido.
“Mun yi farin cikin zabar mu a matsayin kamfanin da zai kaddamar da wannan aiki mai dimbin tarihi, “Wannan hidimar tana kara jaddada kudurinmu na fadada hanyoyin sadarwa a fadin Najeriya da kuma hada hannu da gwamnatoci masu hangen nesa kamar jihar Neja domin kawo ci gaba kusa da jama’a, saboda haka muna jinjina wa Gwamna Bago da tawagar NNA kan wannan jajircewa da kawo sauyi.” Ya bayyana.
Tun da farko, babban jami’in gudanarwa na hukumar ta NNA, Alhaji Liman Katamba Kutigi ya ce, “Wannan shirin ya wuce hanyar jirgin sama— gada ce ta samun dama. Ta hanyar hada kai da kamfanin jiragen sama na Overland, muna kafa wani sabon tsari na hada-hadar zirga-zirgar jiragen sama na yankin, tare da aminci da tasirin tattalin arziki.
A cewarsa, wannan shi ne mafarin babban ajandar mayar da jihar Neja a matsayin wata babbar mai taka rawa a harkokin sufurin jiragen sama da na Najeriya.”
A cewar tsare-tsare Tsarin Jirgin kamar haka; Minna – Lagos – Minna: Litinin, Laraba, Juma’a, yayin da ita
Tashi daga Legas zuwa Minna: 8:00 na safe
Tashi daga Minna zuwa Legas: 3:00 na yamma
Minna – Abuja – Minna: Litinin, Laraba, Juma’a da kuma tashi daga Minna zuwa Abuja: 9:30 na safe haka kuma ya tashi daga Abuja zuwa Minna: 2:00 na rana.
Saboda haka, Overland Airways an san shi da kyakkyawan yanayin tafiye-tafiye na yanki, zai yi amfani da waɗannan jiragen ta hanyar amfani da sabon jirginsa na Embraer E-175, kuma kamfanin jirgin ya kiyaye IATA Operational Safety Audit (IOSA) rajista tun 2015 kuma yana aiki da rundunar jiragen ruwa da suka haɗa da Embraer jets, ATR-42s, ATR-42s, ATR-72s da kuma ATR-70D.
PR ALIYU LAWAL.
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma