Shugaba Xi Ya Yaba Da Ci Gaban Kasar Sin Duk Da Kalubalen Da Aka Fuskanta A Shekarar Dragon
Published: 27th, January 2025 GMT
A yau Litinin, shugaban kasar Sin Xi Jinping ya bayyana cewa, kasar ta samu ci gaba mai inganci wajen zurfafa raya zamanantarwarta a cikin “yanayoyi masu sarkakiya da kalubale” a tsakanin watanni 12 da suka gabata.
Ya furta hakan ne yayin gudanar da wata kasaitacciyar liyafar maraba da sabuwar shekara ta kasar Sin.
Shugaba Xi wanda har ila yau shi ne babban sakataren kwamitin kolin jam’iyyar kwaminis ta kasar Sin (CPC) kuma shugaban kwamitin tsakiya na sojojin kasar ya kara da cewa, “a cikin shekarar dabbar Dragon, mun nuna kuzari da ruhi mai karfi na iya aiwatarwa. Mun jure wa guguwa mai karfi kuma muka ga bakan gizo.”
Shugaba Xi a wajen liyafar, wadda kwamitin kolin jam’iyyar kwaminis ta kasar Sin da majalisar gudanarwar kasar suka shirya don bikin shekarar maciji da za ta fara ranar 29 ga Janairu, ya ce, yayin da aka fuskanci yanayi mai sarkakiya da kalubale, kasar Sin ta mayar da martani cikin natsuwa tare da aiwatar da cikakkun matakai daban-daban, ta kuma yi nasarar shawo kan matsalolin, kana ta kara dagewa da kuma nuna azama. (Abdulrazaq Yahuza Jere).
এছাড়াও পড়ুন:
HKI Ta Yi Barazanar Shiga Rikicin Da Ya Barke A Garin Jarmana Na Kasar Syria
Kafafen watsa labarun HKI sun sanar da cewa sojoji a shirye suke su shiga cikin rikicin da ya barke a garin Jarmana dake kusa da birnin Damascuss na kasar Syria domin kare ‘yan Duruz.
Ofishin Fira ministan HKI Benjemine Netanyahi ya fitar da sanarwa a jiya Asabar da marece, yana ce; Netanyahu da ministansa na yaki Yesra’il Kats sun bayar da umarni ga sojojin kasar da su kasance cikin shiri domin kare ‘yan Duruz a garin Jarmana dake bayan binin Damascuss.
Ofishin watsa labarai na ministan yakin na HKI ya ce; Nauyi ne a wuyanmu mu kare ‘yan’uwanmu Duruz a cikin Isra’ila, da kuma hana a cutar da su a cikin Syria, don haka za mu dauki duk wani mataki da ya dace domin kare tsaronsu.”
Bayan kashe jami’an tsaron kasar Syria biyu, jami’an tsaron sun shiga cikin garin domin neman masu laifi,lamarin da ya haddasa taho-mu gama da makamai.
Kamfanin dillancin labarun Reuters, ya bayyana cewa; HKI ta bukacin Amurka da ta daina yin matsin lamba ga Rasha ta bar Syria saboda ta kalubalanci kwadayin Turkiya na shimfida nata ikon a wannan kasa.
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma