Nijeriya na da arzikin da za ta riƙa ɗaukar nauyin tafiye-tafiyen Tinubu — Minista
Published: 28th, January 2025 GMT
Ministan Harkokin Waje, Yusuf Tuggar, ya bayyana cewa Nijeriya na da wadataccen arzikin da za ta ci gaba da ɗawainiyar duk wasu tafiye-tafiyen Shugaba Bola Tinubu zuwa ƙetare.
A bayan nan dai ’yan Nijeriya na ci gaba da bayyana damuwa kan yawan tafiye-tafiyen da shugaban ƙasar ke yi a kai-a kai zuwa ƙetare la’akari da tsadar rayuwa da ake fuskanta a ƙasar.
Ana kuma ci gaba da jefa ayar tambaya ko shin tafiye-tafiyen da shugaban ƙasar ke yi suna haifar da ɗa mai ido ta hanyar kalato wa ƙasar wata riba.
Sai dai a yayin da ya bayyana a Shirin Politics Today na Gidan Talabijin na Channels, Ministan ya kare matakin tafiye-tafiyen da shugaban ke yi a kai a kai.
Ya bayyana cewa, duk da ƙorafe-ƙorafen da ake yi, a halin yanzu ma akwai buƙatar shugaban ƙasar ya ƙara yawan tafiye-tafiyen saboda muhimmancin hakan wajen janyo wa ƙasar alfanu.
Ministan ya ce ta hanyar inganta alaƙar Nijeriya da sauran shugabannin ƙasashen duniya ne Shugaba Tinubu zai ɗora ƙasar kan turbar zuwa tudun tsira.
“Irin wannan ƙididdigar ƙwazo da ake yi wa gwamnatin a halin yanzu ba daidai ba ne domin kuwa har yanzu sabon shugaba ne a Nijeriya la’akari da cewa a shekarar 2023 ya shiga ofis.
“Saboda haka yana buƙatar ya mu’amalanci takwarorinsa shugabannin ƙasashen domin ƙulla dangantaka da su.
“Ko a bayan nan mun ga yadda aka ci ribar hakan [tafiye-tafiyen] da ta janyo wa ƙasar nan zuba jari na kimanin dala biliyan 2 daga ƙasar Brazil. Saboda haka abin da zan ce a yanzu akwai buƙatar a ƙara yawan tafiye-tafiyen.
Tuggar ya musanta zargin cewa Nijeriya ba ta da wadataccen arzikin da a riƙa ɗawainiyar waɗannan tafiye-tafiyen.
“In dai dangane da wannan mas’ala ce Nijeriya tana da arziki. Duka nawa ake kashewa wajen tafiye-tafiyen idan an kwatanta da ribar da ake samu a hakan?
“Sannan duka nawa ake kashewa idan an kwatanta da waɗansu ayyuka da shugaban ƙasar ya aiwatar a dalilin hakan?
Tun bayan hawansa mulki a shekarar 2023, Tinubu ya ziyarci aƙalla ƙasashen duniya 19 a tafiye-tafiye 32 da ya yi zuwa ƙetare.
উৎস: Aminiya
কীওয়ার্ড: Yusuf Tuggar shugaban ƙasar
এছাড়াও পড়ুন:
Gobe Ta Ke Sallah A Nijeriya – Sarkin Musulmi
Mai Alfarma Sarkin Musulmi, ya sanar da ganin jinjirin watan Shawwal a Nijeriya, kamar yadda kwamitin duban wata ya tabbatar.
Baya ga Nijeriya, ƙasashen Saudiyya, Bangladesh, da Indiya suma sun ga watan a yau, Asabar 29 ga watan Ramadan, 1446.
An Ga Watan Sallah A Ƙasar Saudiyya Abubuwan da Za ki Runguma domin Burge MijinkiSai dai wasu ƙasashe kamar Malaysia sun sanar da cewa za su yi Sallah ranar Litinin.
Hakan na nufin cewa azumin watan Ramadan ya ƙare, kuma al’ummar Musulmi a Nijeriya za su gudanar da bikin ƙaramar sallah gobe.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp