Firaministan Sin Ya Tattauna Da Baki Kwararru Dake Kasar
Published: 28th, January 2025 GMT
Firaministan kasar Sin Li Qiang, ya gudanar da taron tattaunawa da wakilan baki kwararru wadanda ke aiki a kasar da wadanda suka samu lambar yabo ta Abota ta Gwamnatin Sin.
Yayin taron wanda ya gudana jiya Lahadi, a babban dakin taron jama’a dake birnin Beijing, Li Qiang ya kuma mika gaisuwar sabuwar shekarar gargajiya ta al’ummar Sinawa da fatan alheri ga bakin kwararru, ya kuma godewa goyon baya da kulawar da suka dade suna bayarwa ga kokarin Sin na zamanantar da kanta.
Kwararrun wadanda suka hada da ’yan kasashen Birtaniya da Poland da Mali da Romania da Jamus da Pakistan, sun gabatar da jawabai kan maudu’i daban daban, kamar na kirkire-kirkiren kimiyya da fasaha da hadin gwiwar cinikayya da tattalin arziki da musayar al’adu da kuma musaya tsakanin jama’a da raya kwararru da ma cudanyar kasa da kasa.
Mataimakin firaminista Ding Xuexiang ma ya halarci taron. (Fa’iza Mustapha)
এছাড়াও পড়ুন:
Aragchi Yace Duk Wani Harin Da Aka Kaiwa Cibiyoyin Nukliyar Kasar Iran Hakan Wata Musiba ce Ga Yankin Asiya Ta Yamma
Ministan harkokin wajen kasar Iran Abbas Aragchi ya bayyana cewa duk wani hari kan daya daga cikin cibiyoyin Nukliyar kasar Iran daga HKI ko Amerika, wannan wata musiba ce da yankin, kuma wadanda suka kai harin zasu gamu da maida martani ba tare da jinkiri ba.
Tashar talabijin ta Presstva nan Tehran ta nakalto Abbas Aragchi yana fadar haka a wata hirar da ta hada shi da tashar talabijin ta Sky News a nan Tehran.
Ya kuma kara da cewa, ban tsamman zasu yi haka ba. Amma idan sun, to kuwa ba zasu ji ta da dadi ba.
Yace: JMI ta rattaba hannu a kan yarjeniyar Nukliya da manya-manyan kasashe 6 a duniya kan shirin ta na makacin Nukliya wanda ake fi sani da JCPOA amma a shekara ta 2018 shugaba Trump a wa’adin mulkinsa na farko ya fitar da Amurka cikin yarjeniyar, sannan ya dora mata takunkuman arziki mafi muni a tarihin kasar Iran, da nufin karya gwamnatin JMI. Amma hakan bai faru ba. Sai kuma a shekara ta 2019 Iran ta fara dauke kataita shirin makamashin nukliyarta ta zaman lafiya da ta saboda maida martani ga dayan bangaren wacce ta sabawa alkawulanta su.
A baya-bayan nan mun ji Trump yana fadin wasu maganganu, wanda yake cewa masu dadi, amma sai mun ganshi a kasa. Sai dai yakamata Amurka da kawayenta su sani ka cewa Iran ba zata sake tattaunawa da su da sauki ba.
Daga karshe ministan ya mayarwa Trump Martani kan mutanen gaza, da cewa ya maida HKI zuwa Green Island ya fi mata sauki da ya maida Falasdinawa Masar da Jordan.
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma