Za a Kashe Sama da Naira Biliyan 9 Wajen Gyran Asibitoci a Jigawa
Published: 28th, January 2025 GMT
A cim ma burin Gwamna Umar Namadi na ci gaban bil’adama a cikin ajandar mai dauke da abubuwa 12, majalisar zartaswar jihar Jigawa ta kafa wani kwamiti mai mambobi 10 domin samar da hanyoyin da za a bi wajen nemo masu hazaka domin karfafa kirkire-kirkire a tsakanin matasa masu tasowa a jihar.
Kwamishinan yada labarai, matasa, wasanni da al’adu na jiha Alhaji Sagir Musa Ahmed ya bayyana haka bayan taron majalisar da aka gudanar a Dutse.
Ya ce, kwamitin ya kunshi kwamishinonin lafiya, muhalli, kananan hukumomi yayin da kwamishinan ilimi mai zurfi zai zama shugaba.
Sauran mambobin sun hada da masu ba da shawara kan fasaha, ICT da tattalin arziki na dijital, ilimi mai zurfi, aikin gona, babban darakta na hukumar karfafa matasa da samar da aikin yi da kuma babban sakatare mai zaman kansa na gwamna.
Sagir Musa Ahmed ya ce, mai ba da shawara na musamman kan fasaha da kirkire-kirkire ne zai zama sakataren kwamitin.
Hakazalika majalisar ta ware wa kwamitin makonni 2 domin gabatar da rahotonsa.
Ya kara da cewa, matakin majalisar na da burin bunkasa al’adun kirkire-kirkire, kirkire-kirkire da kasuwanci a tsakanin ‘yan jihar musamman matasa kamar yadda ma’aikatar ilimi mai zurfi ta gabatar.
Ya kuma bayyana cewa, majalisar ta amince da kaddamar da wani shiri na musamman na wayar da kan jama’a a matsayin “Gwamnati da Jama’a” a karkashin jagorancin Gwamna Malam Umar Namadi.
A cewarsa, za a kaddamar da shirin ne a dukkanin kananan hukumomin 27 da za a sanar da taron majalisar al’umma a kowace karamar hukumar domin tattaunawa kai tsaye da Gwamna da sauran jami’an gwamnati.
Ya yi nuni da cewa, gaba daya babban burin shi ne tabbatar da cewa al’ummar jihar ba wai kawai masu cin gajiyar ayyuka da shirye-shiryen gwamnati ba ne, har ma sun kasance masu taka rawar gani wajen tsara makomarsu da kuma sanin ayyukan da gwamnatin jihar ke ci gaba da gudanarwa da kuma shirye-shiryenta.
Kwamishinan ya ce majalisar zartaswar jihar ta amince da sake farfado da cibiyoyin kiwon lafiya matakin farko guda 114 a fadin jihar.
Ya ce majalisar ta amince da sama da Naira Biliyan 9.7 don farfado da PHC a fadin kananan hukumomi 27 da ke jihar a karkashin gwamnatin.
KARSHE/USMAN MZ/Wababe
উৎস: Radio Nigeria Kaduna Hausa
এছাড়াও পড়ুন:
Hukumar Alhazan Jihar Jigawa Ta Ware Kujeru 54 Ga Malamai Da Jami’an Kananan Hukumomi
Hukumar Jin Daɗin Alhazai ta Jihar Jigawa ta bayyana cewa Gwamna Umar Namadi ya amince da rabon kujeru 54 na Hajj ga malamai da jami’an da za su jagoranci Alhazai don aikin Hajjin 2025.
Babban Daraktan hukumar, Alhaji Ahmed Umar Labbo, ne ya bayyana hakan ga wakilin Radio Nigeria a Dutse, babban birnin jihar.
A cewarsa, Gwamna Umar Namadi ya amince da rabon kujerun ne domin bai wa jami’ai da malamai damar jagorantar Alhzan jihar a Najeriya da Saudiyya.
Alhaji Ahmed Umar Labbo ya ce, wannan tsari da hukumar ta kirkiro shi ne irinsa na farko a tarihin Jihar Jigawa.
Ya bayyana cewa, an zabi jami’an da malamai maza da mata daga daga kananan hukumomi 27 na jihar bisa cancanta.
Ya jaddada cewa, an zaɓi mutum biyu daga kowace karamar hukuma ta jihar.
Babban Daraktan ya bayyana cewa, malamai da jami’an sun samu umarni don koyar da maniyyata game da wajiban Hajj, ka’idoji da kuma manyan ginshiƙan aikin Hajj domin su san yadda za su gudanar da ibadar Hajj yadda ya kamata.
Ya bayyana cewa, bayar da cikakken horo da ilimantar da maniyyata zai taimaka musu wajen gudanar da Hajj bisa koyarwar addinin Musulunci tare da wakiltar Najeriya da kyau.
Ya ƙara da cewa, za a ci gaba da gudanar da bita ga maniyyatan Hajj na 2025 a dukkan cibiyoyin da aka kebe bayan Ramadan.
Ahmed Labbo ya ce, hukumar za ta fara raba kayayyakin tafiya ga maniyyatan Hajj na 2025 nan ba da daɗewa ba.
A cewarsa, rarraba kayayyakin tafiya wadanda suka haɗa da yunifom da jakunkuna zai fara nan gaba a hedkwatar hukumar da wasu cibiyoyi da aka ware a faɗin kananan hukumomi 27 na jihar.
Ya bayyana cewa, jirgin farko na jigilar maniyyatan jihar zai tashi a watan Mayu 2025 kamar yadda Hukumar Hajj ta Kasa (NAHCON) ta tsara.
Labbo ya jaddada cewa, NAHCON ta ba Max Air damar jigilar maniyyatan jihar zuwa Saudiyya ta filin jirgin sama na Nuhu Muhammadu Sunusi International Airport.
Shugaban Hukumar Jin Daɗin Alhazan ya gode wa Gwamna Umar Namadi bisa goyon baya da haɗin kai da yake bai wa hukumar a kowane lokaci.
USMAN MUHAMMAD ZARIA
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma