Tankar mai ta sake fashewa a Neja
Published: 28th, January 2025 GMT
Wata tankar man fetur ta sake fashewa a garin Kusogbogi da ke Ƙaramar Hukumar Agaie ta Jihar Neja.
Majiyoyi sun shaida wa wakilinmu cewa lamarin ya faru ne da misalin ƙarfe 6:00 na yammacin ranar Litinin, amma babu rai ko ɗaya da ya salwanta.
Aminiya ta ruwaito cewa, tankar wadda ke maƙare da lita dubu 60 ta man fetur ta faɗi ne sannan ta yi bindiga a tsakanin ƙananan hukumomin Agaie da Lapai.
Wani mazaunin Lapai, Mallam Mahmud Abubakar, ya ce lamarin ya faru ne a sakamakon tsala gudu da direban tankar ke yi, lamarin da ya kai ga dungurar wata babbar motar dakon kaya da ke tsaye a gefen hanya kuma nan take duk suka kama da wuta.
Wannan dai na zuwa ne ƙasa da mako guda da aukuwar gobarar wata tankar mai wadda ta haddasa asarar rayuka aƙalla 100 a jihar ta Neja.
Lamarin kamar yadda rahotanni suka tabbatar ya faru ne a kusa da Dikko Junction da ke kan hanyar Abuja zuwa Kaduna a Ƙaramar Hukumar Gurara ta Jihar Neja.
A cewar Kwamandan Hukumar Kiyaye Haɗura ta Ƙasa (FRSC) shiyyar Neja, Kumar Tsukwam, akasarin waɗanda abin ya rutsa da su talakawa ne mazauna yankin da suka yi gaggawar ɗiban man da ya zube bayan motar ta kife.
উৎস: Aminiya
কীওয়ার্ড: Jihar Neja Tankar tankar mai
এছাড়াও পড়ুন:
Hukumar Gidagen Radiyo Da Talabijin Na Kasar Iran Ta Bada Sanarwan Kama Dan Rahotonta A Kasar Falasdinu Da Aka Mamaye
A dai-dai lokacinda jijiyoyin wuya suke kara tashi tsakanin JMI ta kuma HKI, jami’an tsaron HKI sun kama daya daga cikin yan rahotomta sun tsare.
Tashar talabijan ta Presstv a nan Tehran ta nakalto shugaban hukumar gidajen radiyo da Talabijin ta kasar (IRIB), Peyman Jebelli yana fadar haka ya kuma kara da cewa dan rahoton hukumar baya Gaza, yana cikin kasashen Falasdinu da aka mamaye ne. Sannan hukumar ta fara kokarin ganin an sake shi.
Labarin ya kara da cewa tun ranar da aka fara yakin tufanul Aksa a ranar 7 ga watan Octoban shekara ta 2023 jami’an tsaron HKI sun kashe yan jaridu 205, sannan ta kama wasu 75, sannan har yanzun wasu 42 kuma tana tsare da su. Annan akalla 10 daga cikinsu tana tsare da su ne a karkashin dokannan da ake kira (administration datentiomn) wato tsarewa karkashin dokar masu iko.
Bisa bangare na 79 karkashin doka ta taron Geneva, yan jaridu wadanda suke aiki a cikin wurare masu hatsari su abin karewane kamar yadda ake bukatar a kare fararen hula, matukar basu dauki bangare a rikicin ba.
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma