Sojoji sun ƙwato tarin makamai a Zamfara
Published: 28th, January 2025 GMT
Dakarun rundunar Operation Fansar Yamma sun ce sun ƙwato tarin makamai a Ƙaramar Hukumar Ƙauran Namoda na Jihar Zamfara.
Dakarun tare da haɗin gwiwar jami’an tsaron farin kaya (DSS), sun kai samamen ne bayan samun bayanan sirri kan masu safarar makamai daga Jamhuriyar Nijar zuwa Najeriya.
Tankar mai ta sake fashewa a Neja Jadawalin Gasar AFCON 2025 da za a fafata a MoroccoWata sanarwa da jami’in yaɗa labaran rundunar, Laftanar-Kanal Abubakar Abdullahi ya fitar, ya ce sun ƙaddamar da farmaki ranar 27 ga watan Janairun 2025, abin da ya kai ga ƙwato makaman kan hanyar Namoda zuwa Zurmi.
Ya ce waɗanda ake zargin sun tsere zuwa cikin daji tare da barin motarsu bayan artabu da sojoji.
Kanal Abubakar ya ce bayan binciken da suka yi a cikin motar, sun gano makamai da dama da suka haɗa da bindigar AK-47 guda tara da harsasai daban-daban.
A ɗaya gefen, dakarun sun ce sun baza koma domin cafke ƙasurgumin ɗan bindigar nan Bello Turji wanda ake nema ruwa a-jallo.
Bayanai sun ce Turji na ci gaba da guje-guje da sojoji daga maɓoya zuwa maɓoya.
Dakarun sun tabbatar da cewa suna aiki tuƙuru domin kama Turji da zummar dawo da zaman lafiya a al’ummomin da suka addaba da hare-hare.
উৎস: Aminiya
কীওয়ার্ড: dakaru Jihar Zamfara
এছাড়াও পড়ুন:
Tinubu Ya Tafi Faransa Ziyarar Aiki Na Mako 2
Shugaban ƙasa, Bola Ahmed Tinubu, ya bar Abuja a yau Laraba zuwa Paris, na ƙasar Faransa, domin ziyarar aiki ta makonni biyu.
A cewar mai magana da yawunsa, Bayo Onanuga, Shugaba Tinubu zai yi bitar mulkinsa na rabin wa’adi, inda zai tantance nasarorin da ya cimma da kuma irin sauye-sauyen da yake aiwatarwa.
Haaland Zai Ziyarci Likita Saboda Raunin Da Ya Samu A ƘafaSanarwar ta ce wannan lokaci zai ba shi damar tsara hanyoyin da za su inganta ci gaban ƙasa yayin da yake shirin cika shekaru biyu a kan mulki.
Duk da kasancewarsa a waje, Onanuga ya tabbatar da cewa Shugaba Tinubu zai ci gaba da gudanar da harkokin gwamnati tare da tuntuɓar manyan jami’ansa har zuwa lokacin da zai dawo gida.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp