Gabashin DRC : Félix Tshisekedi Ya Sanar Da Maida Da Martani”
Published: 30th, January 2025 GMT
Shugaba Felix Tsisekedi na Jamhuriyar Demokuradiyyar Congo ya bukaci hadin kai na al’ummar kasar tare da sanar da mayar da martini kan rikicin gabashin kasar dake da nasaba da kungiyar ‘yan tawaye ta M23.
A yayin wani jawabi ga al’ummar kasar, shugaban na Kongo ya yi kira da a hada kai tare da ba da tabbacin cewa “ana ci gaba da mayar da martini kuma an karfafa tsarin tsaro.
” Ya kuma yi tir da gazawar kasashen duniya da kasancewar dubban sojojin Rwanda a kasar tare da bayyana kungiyar ta M23.
Wannan dai shi ne karon farko da shugaban na Kwango ke magana tun bayan harin da ‘yan tawayen suka kai a gabashin kasar a garin Goma.
Yayin jawabin shugaban na Kwango ya kuma ce suna goyon bayan hanyar tattaunawa.”
Félix Tshisekedi ya kuma yaba wa sojojin da suka fadi a fagen daga.”
Kungiyar M23 da ke samun goyon bayan sojojin Rwanda kimanin 3,000 zuwa 4,000, a cewar MDD, ta shafe fiye da shekaru uku tana fafatawa da sojojin Kongo a yankin, amma sun kutsa a cikin Goma babban birnin gabashin kasar a daren ranar Lahadi zuwa Litinin ga watan Janairun nan inda suka mamaye tsatsa dama.
Akalla mutane 100 ne suka mutu sannan wasu sama da 1,000 suka jikkata, a cewar rahotanni daga asibitoci da dama.
Halin da ake ciki na jin kai yana da matukar damuwa, in ji Majalisar Dinkin Duniya, inda ta sanar da cewa dole ne a dakatar da rarraba kayan agaji saboda yanayin tsaro.
উৎস: HausaTv
এছাড়াও পড়ুন:
Sojojin Sudan Sun Kwance Iko Da Garin “Khartum-al-Bahri”
A yau Laraba ne dai sojojin Sudan su ka sanar da shimfida ikonsu a garin ‘Khartum-al-Bahri.
Majiyar sojan kasar ta Sudan ta kuma bayyana cewa, a halin yanzu suna aiki tare da bangarorin da suke dace, domin ganin fararen hula mazauna garin sun koma gidajensu a cikin lokaci mafi kusa.
A cikin kwanaki kadan da su ka gabata sojojin na kasar Sudan sun sami nasarar kwace yankuna da dama a kewayen Khartum-al-Bahri da su ka hada da gabashin tekun maliya.
Wannan cigaban da sojojin na Sudan su ka samu, ya biyo bayan korar dakarun rundunar kai daukin gaggawa ne daga babbar shalkwatar soja dake tsakiyar birnin Khartum, haka nan kuma cibiyar sojan ta sadarwa, da babbar cibiyar leken asiri ta soja dake kusa da Khartum-al-Bahri.
A wata sanawar ta daban da sojojin kasar ta Sudan su ka fitar sun bayyana cewa jiragen yaki sun kai hare-hare a garin al-Fashar da can ne babban birnin yankin Darfur. Wannan yankin shi ne babban sansanin mayakan dakarun rundunar kai daukin gaggawa.
Sojojin na Sudan sun ce, sun kai wadannan hare-haren ne dai da safiyar Yau Laraba.
A wani labarin daga Sudan, rundunar kai daukin gaggawa ta sanar da cewa, an kashe daga cikin kwamandojinta mai suna Rahmatullah al-Mahadi wanda aka fi sani da Jalha a jiya Talata, ba tare da bayyana yadda aka kashe shi din ba.
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma