Kudin Da Aka Samu Na Kallon Fina-Finan Sin Ya Zarce Yuan Biliyan 11 A 2025
Published: 5th, February 2025 GMT
Bisa bayanan da aka samu daga wani dandali na shafin intanet, ya zuwa yau Talata, jimillar kudaden shiga da aka samu daga kallon fina-finan kasar Sin a gidajen sinima a shekarar 2025 ta zarce kudin Sin yuan biliyan 11, kwatankwacin dalar Amurka biliyan 1.5.
Bugu da kari, adadin masu kallo a lokacin bikin bazara na shekarar 2025 ya zarce miliyan 170, wanda ya karya tarihin baya na yawan masu kallo da aka taba samu lokacin bikin bazara, a tarihin fina-finan kasar Sin.
Har ila yau, bisa la’akari da yawan tikitin da aka sayar a shekarar 2025, yawan kallon fina-finan kasar Sin ya zarce na Arewacin Amurka, inda a halin yanzu ya zama na daya a duniya. (Mai fassara: Abdulrazaq Yahuza Jere)
এছাড়াও পড়ুন:
Sin Na Ci Gaba Da Kasancewa Cibiyar Rarraba Hajojin Da Masana’antu Ke Sarrafawa
Wani rahoto da aka fitar yau Talata, yayin zaman taron shekara-shekara na shekarar 2025, na dandalin tattaunawa na Asiya na Boao, ya nuna yadda kasar Sin ke ci gaba da kasancewa cibiyar rarraba hajojin da masana’antu ke sarrafawa.
Rahoton mai taken “Nazarin tattalin arzikin Asiya, da hadadden rahoton ci gaba na shekarar”, ya nuna yadda tun daga shekarar 2017, hada-hadar cinikayya ta duniya a fannin rarraba matsakaitan hajoji, ke kara dogaro kan kasar Sin sama da dogaronta ga yankin arewacin Amurka. Kazalika a shekarar 2023, dogaron sassan kasa da kasa kan kasar Sin ta fuskar samar da matsakaitan hajoji ya kai kaso 16 bisa dari, sama da na yankin arewacin Amurka mai kaso 15 bisa dari.
Bugu da kari, rahoton ya ce yamucin cinikayya da Amurka ta haifar a shekarar 2018, bai baiwa Amurkan wata nasara ta fuskar daga matsayinta, a hada-hadar rarraba hajojin da masana’antu ke sarrafawa ba. (Mai fassara: Saminu Alhassan)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma