Me ya sa ake musayar yawu tsakanin APC da PDP?
Published: 9th, February 2025 GMT
Duk da cewa akwai sauran lokaci kafin babban zaben 2027, ana ci gaba da musayar yawu kan shirye-shiryen manyan ‘yan siyasa da ke hamayya da gwamnatin Bola Ahmed Tinubu, inda suke tarurruka tare da tuntuɓar juna kan yadda za su kayar da Jam’iyyar APC mai mulki a Zaɓen 2027.
Fadar Shugaban kasa ta mayar da martani kan kalaman da wasu daga cikin ‘ya’yan jam’iyyun adawa da na cikin gidanta suke yi, inda suka zarge ta da sauka daga kan turbar da jam’iyyar take.
Fadar Shugaban kasa na mayar da martani ne bayan wani taro da jagororin hamayya da wasu daga cikin ‘yan Jam’iyyar APC da ke adawa da gwamnatin suka gudanar a Abuja.
Jam’iyyar ta APC dai ta ce hakan ba komai ba ne illa yunƙurin da masu adawa da gwamnatin ta Bola Ahmed Tinubu ke yi na kawar da hankalin Tinubu daga hidimar da yake wa al’ummar kasar nan.
Sai dai Jam’iyyar adawa ta PDP ta ce, borin kunya ce gwamnatin APC ke yi, saboda manuniya ta nuna cewar al’ummar kasar nan sun gaji da mulkinta.
Malam Abdul’aziz Abdul’aziz na ɗaya daga cikin masu magana da yawun Shugaban kasar ya bayyana cewa, ganin irin rawar da Shugaban Kasa Bola Ahmed Tinubu ke takawa wajen gyara kurakuran da Jam’iyyar PDP ta yi ne tsawon shekara 16 da suka ɗauka.
“Suna mulki ne ya sa suke kaɗa gangar siyasa tun kafin lokacin ya zo.
“Su wadanda suke irin wadannan zarge-zargen ai su ne mutanen da suke ɗauke hankalin gwamnati daga kan abin da ya kamata ta yi”, in ji Abdul’aziz.
Shi kuwa mataimakin mai magana da yawun Jam’iyyar PDP, Alhaji Ibrahim Abdullahi ya ce, martanin na fadar shugaban ba komai ba ne illa shure-shure da baya hana mutuwa, wanda duk ya iske shinkafa a Naira 6,000 da PDP ta faɗi zabe, yanzu kuma yake sayen shinkafar nan kan Naira 100,000, lallai akwai ayar tambaya da ake cewa wai ana gyara a cewar Ibrahim.
Fadar shugaban ta ce, taron da suka gudanar ba komai ba ne illa na wadanda ba sa fatan ci gaban kasar nan da kuma son tunzura al’umma da barazana da kuma bayyana ra’ayoyin da za su durƙusar da dimokuradiyya.
Jam’iyyun hamayya na fama da rikice-rikicen cikin gida, lamarin da masana kan harkokin siyasa ke bayyanawa da cewa zai iya kawo musu tarnaƙi wajen haɗewar da suke niyyar yi.
A shekarar 2023 ce dai Shugaban Kasa Bola Ahmad Tinubu ya yi nasarar doke Alhaji Atiku Abubakar na Jam’iyyar PDP a Zaɓen Shugaban kasa, inda aka samu wasu gwamnonin PDP da ake zargin sun yi wa Jam’iyyar APC aiki.
Yanzu dai hankali ya karkata ne wajen ganin irin wainar da za a toya a babban taron Jam’iyyar PDP, wadda ke kan gaba a sahun jam’iyyun adawa.
উৎস: Aminiya
কীওয়ার্ড: Jam iyyar PDP
এছাড়াও পড়ুন:
An kori shugaban hukumar leken asiri ta cikin gidan Isra’ila
Gwamnatin Isra’ila ta sanar da korar shugaban hukumar liken asiri ta cikin gidan kasar Ronen Bar, wanda Firaministan kassar Benjamin Netanyahu ya ce bai gamsu da kwarewarsa ba hasali ma ba’a yarda da shi.
“Gwamnati baki daya ta amince da shawarar Firaminista Benjamin Netanyahu na kawo karshen wa’adin” Ronen Bar, wanda zai bar ofis idan aka nada magajinsa ye zuwa ranar 10 ga watan Afrilu, in ji ofishin Firayim Minista a cikin wata sanarwa.
Rashin gamsuwa da aikin na kokaren shugaban hukumar ta Shin-bet, ta fito fili a baya bayan bayan bayannan da suke fitowa game da harin kungiyar Hamas na ranar 7 ga watan Oktoban 2023.
Ronen Bar, wanda aka nada a watan Oktoba 2021 na wa’adin shekaru biyar, ya tabbatar tun kafin yanke hukuncin cewa zai kare kansa a gaban “hukumomin da suka dace”.
A cikin wata wasika da ya aikewa jama’a da yammacin Alhamis, ya bayyana cewa dalilan da suka sa aka kore shi daga aiki, wanda Benjamin Netanyahu ya sanar a ranar Lahadi, ya dogara ne da “sha’awar kansa” da nufin “hana bincike kan al’amuran da suka shafi harin ranar 7 ga Oktoba da wasu muhimman batutuwa da Shin Bet ke bincikar su.”
Dama shugaban hukumar ya amince kwanan baya da gazawar hukumar da ayek jagoranta wajen hana harin na Hamas.
A cikin wata sanarwa da aka fitar kwanan baya, shugaban hukumar ta Shin Bet, Ronen Bar, ya amince da cewa, hukumar ta ” gaza a cikin aikinta” na dakile ayyukan Operation Al-Aqsa, tare da kutsawa manyan sansanonin Isra’ila bayan da sojoji da ‘yan sandan gwamnatin suka yi kaca-kaca da su, kuma y ace ya dauki nauyin gazawar a wuyansa.
Hukumar ta amince da gagarumin gibi a cikin tattara bayanan sirri da kuma dogaro da matakan kariya da ake da su, wanda ya haifar da rashin fahimtar kungiyar Hamas, tare da sauran kungiyoyin gwagwarmaya.
Wannan na zuwa ne kwanaki bayan wani “binciken cikin gida” ya nuna cewa, an gaza wajen dakile harin na Hamas.
Binciken da sojojin Isra’ila suka gudanar ya soki yadda gwamnatin kasar ke dogaro da bayanan sirri da kuma raina karfin Hamas, kura-kuran da suka haifar da mummunan sakamako ga gwamnatin Isra’ila.
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma