HausaTv:

Kissoshin Rayuwa Imam Alhassan(a) 13

Published: 9th, February 2025 GMT

13- Assalamu alaikum masu sauraro barkammu da warhaka barkammu da sake saduwa a cikin shirimmu na kissoshin rayuwa Shirin wanda yake kawo maku kissoshi wadanda suka zo cikin alkur’ani mai girma ko cikin wasu littafan wadanda suka hada da littafin Dastane rastan na shahid Aya. Murtadha muttahhari, ko cikin littafin Mathnawi na maulana jalaluddeen ,Rumi, ko kuma cikin wasu littafan.

Da fatan masu sauraro zasu kasance tare da mu.

///… Madalla, masu sauraro idan kuna tare da mu a cikin shirimmu da ya gabata, mun ci gaba da kawo maku sirar Imam Alhassan (s) Jikan manzon All..(s) sannan limami na 2 daga cikin limamai masu tsarki daga iyalan gidan manzon All..(s) kuma da na farko ga  Fitima(s) diyar manzon All..(s). a cikin shirimmu da ya gabata mun fara magana dangane da manzon All./.(s) ya farashi shiri don tabbatar da cewa iko ya koma da Aliyu dan Abitlaib (a) bayan wafatinsa, sai ya hada rundunar Usaman dainZaidu, wani yaro daga cikin sahabbansa(a) wanda ked an shehara 17 a duniya sannan ya sanya dukkan manya manyan sahabbansa wadanda suka suka hada da Abubakar da Umar da Usman da Abu ubaida dan jarra da wasu da dama cikin ansar, wadanda kuma ya fahinci cewa suna da kodayin shugabanci a bayansa, duk ya hadasu karkashin jagorancin Usama dan Zaidu.

Ya daura daura tut aba bawa Usama, ya ce masa ya je ya yaki kafirai a kasar da aka kashe babansa, wato zaidu dan Haritha. Sai Usama ya karbi tutan, sannan ya je wajen madina a wani wuri wanda ake kira jurf ya kafa sansanin sojojinsa, ya na jiran su fito amma suka ki fitowa, saboda suna sukar Jagorancin Usama dan Zaidu a kansu.

Amma sai manzon All..(s) sake fitowa duk da cewa yana cikin tsananin rashin lafiya, ya sake masu magana inda yace masu Usama dan Zaidu ya cancanci Khalifanci, haka ma babansa ya cancanci khalifanci, ammam sun soki jagoranci sa a lokacim ma.

Sannan ya la’ani wadanda suka ki zuwa tare da Usama dan Zaidu. Wannan dai shi  ne rundunar da manzon All..(s) ta karshen a rayuwarsa.

Kuma mun san yadda al-amarin ya kasance a lokacin. Don bayan sun ki tafiya sai suna zuwa gidansa suna son samun labarin mutuwarsa.

Don haka a ranar Alhamis ta karshe a rayuwarsa tun taru a gidansa, suna bankwana da shi sai yace masu ;Ku bani abin rubutu in rubuta masu abin idan kun yi riko da shi ba zaku bata bat aba har’abada.

Sai suka yi jayayya a tskaninsu wasu suna cewa a kawo wasu kuma suna newa kada a kawo don bai san abinda yake fad aba, a nan ne sai ransa ya baci, sai yace masu bai kamata ku yi jayayya a gaban annabi ba. Ku fita daga cikin daki na, sai suka fita. Ba tare da bata lokaci ba.

Wannan hadisin kamar yadda ya zo cikin Bukhari, ya zo da shi, , Ibn Abbass yana kiransa da “Musiban ranar Alhamis” musaibar ranar al-hamis wacce ta haka manzon All..(s) rubuta abinda idan mutane sun yi riko da shi ba zasu bat aba har abada, sai yayi kuka har ya jike gemansa.

Wannan yana cewa abinda zai rubutan yana da muhimmabci, kuma yana da dangantaka da makomar al-ummar musulmi. Sai kawai manzon All..(s) bai rubuta wannan abibda ba, amma ya fadi shi a wani wuri wanda ya fi dakinsa na wafati, wato kwanaki 70 kafin wafatinsa. Dan haka idan ya nanata shi a kan gadon wafatinsa, (s), karfafa abinda ya fada a duk tsawon lokacin aikinsa na hajji da kuma ranar Ghadir Kghom ne.

Sannan don sun san abinda zai rubutane ya sa suka ce masa, littafin All..ya ishemu, wato ba ruwansu da iyalan gidan manzon All… (s).

Daga nan kuma mu sawwara yadda diyarsa Zahra (s) ta ji a lokacin wafatinsa, tana kusa da shi kafin mutuwa da zo masa, sai tana cewa: Kai ton bakin cikina da bakin cikinka ya manzon All.(s)/ sai ya dube ta idanunta na ciki da hawaye, sai ya ce mata babu bakin ciki ga babakin da yau.

A lokacinda rashin lafiya ta yi tsanani ga manzon All.., sai hankalin Zahra (s) ya kara tashi, sai manzon All..(s) ya na son ya sawwaka mata bakin cikin da take ciki, sai ya ajiyeta a kusa da shi sai, ya asirta magana a gareta, sai ta yi kuka, sai ya sake asirta mata magana, sai ta yi murmushi, sai wannan al-amirin ya bawa A’isha ummul muminina, mamayi sai da ta fito daga wajensa, sai A’isha ta ce mata, nag a cewa a yau kin fi farinciki a kan bakin ciki, menene ya fada maki kika yi kuka sannan ya sake fada maki kiya yi murmushi,?.

Sai tace ba zan bayyana asirin manzon Al..(s). (wato idan da yana son ta ji, da ya daga muryarsa don kawa yaji, amma tunda ita kadai ya fadawa, a asiri ne, baya son kowa yaji sai ita Fatimah (s).

Amma ance bayan fatisansa (s) ta sake tambayarta, sai ta ce mata da farko ya ce, Malaki ya bijiromani al-kur’ani har sau biyu a wannan shekara, don bana gini fashe, mutuwata ta kusa, shi ne nai kuka, da ya sake magana ta biyu a asirce iata ma, sai yace mani,’ke ce na farko daga cikin iyalan gidana  wacce zata fara riskata. A nan sai na yi murmushi.

A wani hadisin yana ce mata, (ke ce na farko daga iyalan gidana, wanda zai hadu da ni, madallah da ni a matsayin magabaci, shin baki yarda ki kasance, shugaban matan Al-ummah ta ba….).

Bayan da Fatima (s) ta ji kan cewa mahaifinta ya kusan wafati, sai koma gida, ta je ta dauko yayanta Alhassan da Alhussain sai ta zo dasu wajen manzon All..(s). Tace masa… ya babana, ga wadannan yayanka biyu, ba gadarmasu wani abi daga (halayenka) wabi abu daga halayen. Manzon All…(s) ya gadar masu wani abu daga halayensa, sai ya ce mata: Amma Alhassan, na bashi haibata ta da jagorancinna, Amma Alhussain kuma na bashi jaruntata da kyautata.

Kamar yadda kuka gani ko wannensu ya gabar masa wani bangare na shifofinsa da kuma halayenta masu kyau.

An rawaito cewa Imam Hassan (s) halittar ta yi kama da manzon Al…(s) fiye da Imam Hussain, haka ma idan an ganshi, za’a ganshi ta haibar shuwagabanni irin ta annabawa da manzanni, haka ma Imam Hussain, jaruntance ta bayyana a ranar Karbala inda sojojin Yazidu la’anene ya kimani dubu 30 suka zagaya shi tare da magoya bayansa yan kadan, sun fuskancesu kuma suka yi shahada gaba dayansu.

An ruwaito cewa manzon All..(s) kafin rasuwarsa ya na da dinari  7, sai ya ji tsoron kada wafati ta zo masa suna tare da su, sai ya bada umurni a bada su sadaka kafin haka.

Amma sai suka shagaltu da shi har sai da ya farfado sai ya sake tamya danage da su. Ya ce masu: Me kukayi da kudadennan? Sai suka ce suna hannummu mun shagaltu da kaine, sai yace su kawo su, sai karba ya sa su a hannunsa, sai yace: Me Muhammadu zai tana a wajen Ubangijinsa ida ya same shi tare da wadannan.

Sai ya bada umurni aka rarrabasu cikin mabutaka.

Daga nan sai abinda malaman Ibn Abba ( r) yake kira musibar ranar Alhamis. Kafin haka All..T ya sanarda manzonsa (s) kan cewa, zai jarrabi al-ummarsa a bayansa, kuma musibu kamar daren duhu zasu fada masu, wanda kuma za iyi tsawo sai wadanda All..ya kubutar da shi daga wadannan musibu don yawansu da kuma tsawonsu.

Sannan yak arar tabbatar da  cewa iyalan gidansa zasu gamu da matsaloli a cikin al-ummarsa a bayansa.

Don haka bai bar yin kokari ba, don ganin ya kubuar da su daga musibun da suke gabansu.

A nan sai yayi tuna ya rubuta masu takarda wacce ba zasu taba bata ba har ba har abada idan suka yi riko da shi.

A wannan halin ne sai yace masu: Ku bani abin rubutu in don rubuta maku wani abu , wanda idan kun rike shi ba zaku taba bata ba har’abada: ana cikin wannan halin, wasu suna kokarin su gaggauta su kawo masu wasu suna cewa ku bari. Can sai wani daga can nesa ya ce masa. Lisfin All…ya ishemu. A nan sai ya sha mamakin yadda wani yake da jur’ar da zai fada masa haka, a cikin Jami’a don haka mutane da dama abin ya basu mamaki, ya kuma bayyana cewa akwai wani al-amari babba a bayansa (a).

Sannan fadin da yayi hasbuna kitaballahi, ya nuna cewa sun san abinza zai rubuta, sannan suka zabi abinda suke so daga cikin abubuwan da zai rubuta masu, sun ku a yi watsi da dayar.

Don haka Umar dankhaddabi ne ya fadi hakan. Kuma baa bin mamaki idan ya fadi hakan, don wanda ya karanta tarihin ya san rawar da ya taka wajen nisantar da iyalan gidan mazon All..daga shugabancin al-ummar musulmi a lokacin.

Banda haka, wato bayan Kalmar ‘littafin All..ya ishe’ sun ci gaba da jayayya a tsakaninsu a gaban manzon All..(s), sai matan manzon All..(s) wadanda suke bayan hijabi suke! “bakwajin abinda manzon All..(s) ya ke fada ? )  sai Umar yace:: Ku yi shiri, ku na nan kamar abokan Yusuf, idan ya yi lafiya ku zubar da hawaye idan kuma ya sami lafiya sai ku hau kan wuyarsa.).

Sai manzon All..(s). yace : Ku barsu sun fi ku alkhairi. Amma duk da haka an sami wasu wadanda suka tashi zasu aiwatar da umurnin manzon All..(s). sai wani daga cikinsu ya tashi yah ana shi, sai yace mata kada yayi (…don mutumin yana fadin abinda bai sani ba….) .

To daga nan kowa ya san cewa, masifa ta fada a kan al-ummar manzon All..(s), kuma musiba daga ta fi wannan musiya.

Dan Abbas( a), duk sanda ya karanta wannan labari sai ya yi kuka har hawayensa su jika gemunsa. Saboda bakin cikin abinda ya faru, saboda sabawa umurnin manzon All..(s).

Wannan halin ya samarda hayaniya a dakin da manzon All..(s) yake jinya. Sai yace mas uku tashi ku fita, bai kamata ku yi jayayya a gaban wani annabi ba. Sai kuma anan suka fita, sun kuma fahinci abinda yake fada. Ba kuma ranshin lafiya ya rinjayeshi kamar yadda suka fada a lokacinda yace su kawo masa littafin ya rabuta masu abinda ba zasu bata har abada ba.

উৎস: HausaTv

কীওয়ার্ড: ba har abada wadanda suka

এছাড়াও পড়ুন:

Matan da suka tsira daga Boko Haram na buƙatar tallafin musamman

Mata da ’yan mata da suka tsira daga tashin hankalin ‘yan Boko Haram a Arewa Maso Gabashin Nijeriya na fuskantar matsaloli masu yawa, ciki har da shiga tsananin damuwa da fuskantar nuna wariya da rashin samun dama na neman kuɗi da kuma uwa-uba rashin samun kulawar gwamnati da na al’umma.

A lokacin tashin hankali da yaƙe-yaƙe mata da yara ne suka fi shan wahala sosai daga munanan hare-haren da ke shafar lafiyar jikinsu da ta ƙwaƙwalwarsu, sannan sun fi kowa faɗawa matsalar tattalin arziƙi da shiga cikin ɗimuwa.

Gwamnatin Yobe ta sayo hatsi don tunkarar kakar bana ’Yan Najeriya miliyan 150 sun samu ingantacciyar wutar lantarki – Minista

Tun farkon fara rikicin Boko Haram a watan Yulin 2009, mata da yara a Arewa Maso Gabas sun kasance cikin waɗanda aka aka fi ci wa zarafi. Yawancinsu a kan tilasta musu shiga yaƙi inda ake amfani da su a matsayin ‘yan ƙunar baƙin wake, ko a yi amfani da su a matsayin garkuwa.

Da yawansu sun rasa rayukansu, wasu an ci zarafinsu ta hanyar fyaɗe, sannan kuma an hana su damar ci gaba da neman ilimi. Har ila yau, an sace ɗaruruwansu kuma aka yi amfani da su tamkar bayi.

Fiye da mata miliyan biyu da ƙanana yara sun rasa matsugunansu, inda aka tilasta musu tserewa zuwa sansanonin ‘yan gudun hijira ko wurare da ba su san su ba.

A cikin sansanonin ‘yan gudun hijira, yawancin ‘yan mata ba su samu kulawa da buƙatunsu na asali ba wanda hakan ya sa aka yi ta amfani da su ta hanyar yi musu fyaɗe ana ba su kayan tallafi ko abinci.

Yayin da gwamnatin Nijeriya ke samun nasara kan Boko Haram sannu a hankali, wata hanya mai amfani da ake gani don gina zaman lafiya mai ɗorewa a Arewa Maso Gabas ita ce ta hanyar bai wa mata damar samun ci gaba a rayuwarsu.

Mata da yaran da suka tsira daga hare-haren Boko Haram na buƙatar isasshen tallafi don sake farfaɗo da rayuwarsu. Hakan zai taimake su wajen yin aiki tuƙuru da bayar da gudunmawarsu wajen gina zaman lafiya da ci gaban ƙasa.

Hauwa Bello, ‘yar shekaru 65 wacce aka fi sani da Falmata daga garin Gwoza, ta bayar da labarin irin wahalhalun da ta fuskanta a ƙarƙashin ikon Boko Haram. “Ba zan taɓa mantawa da ranar da Boko Haram suka kama Gwoza ba. Wannan ce ranar ƙarshe da na ga ‘ya’yana maza guda biyu,” in ji Falmata.

Ta bayyana yadda mutane suka firgita lokacin da Boko Haram suka shigo garin Gwoza suna ta harbe-harbe, lamarin da ya sa mutane suka fara gudu cikin a firgeci. Duk da gargaɗin da ta yi wa ‘ya’yanta maza bai hana sun fita daga gida cikin ruɗani ba kuma daga nan aka kashe su.

Bayan watanni shidda a ƙarƙashin ikon Boko Haram a garin Gwoza, Boko Haram sun sanar da su cewa sun samu labari mai tushe cewa Sojojin Nijeriya na kan hanyar zuwa don su sake ƙwace garin Gwoza daga hannunsu, don haka suka ce ya zama dole su gudu su bar garin. Falmata, da aka tilasta ta tsere tare da su, ta kwashe watanni ukku a cikin daji kafin ta tsere tare da wasu mata da ƙananan yara.

Sun yi tafiya tsawon kwanaki kafin sojojin Nijeriya suka same su inda suka kai su Sansanin Barikin soja na Giwa Army Barracks a Maiduguri.

Falmata ta kuma bayyana wahalhalun da ta sha a sansanin tare da sauran ‘yan gudun hijira.

“Rayuwa a sansanin da ke a bariki akwai wahala sosai. Da  farko mun samu taimako da kulawa sosai, amma daga baya sai aka yi watsi aka manta da mu. A wasu lokutta sai mun sha wahala wajen samun abinci sau ɗaya a rana, kuma babu magani ga duk waɗanda suka kamu da rashin lafiya.”

Mijin Falmata ya mutu ne sakamakon rashin kulawa da shi daga  zazzaɓin cizon sauro da ba a yi masa magani ba. Ala tilas ta bar sansanin inda ta tsere zuwa Abuja tare da ɗanta guda ɗaya da ya rage. “A wannan shekarun nawa da irin yanayin lafiyata, ba zan iya yin aiki ba. Ɗana ne kaɗai mai kula da mu, kuma yana buƙatar tallafi da damar ci gaba don ya iya kula da mu.”

Falmata Garba, wata matashiya da ta sha wahala a hannun Boko Haram, ta bayyana wa wakilinmu irin yadda ta yi rayuwa da su.

“Sun sace mu ne daga garin Gwoza suka kai mu cikin daji,” in ji Falmata.

Ta ƙara da cewa, “an tilasta mini auren wani daga cikinsu, duk da yake mun haifi yara biyu da shi, amma dukkan yaran sun rasu saboda yunwa da rashin magani.”

A lokacin da ta yanke shawarar tserewa, Falmata ta shirya da wasu yara suka bi dare suka sulale. Sun yi amfani da damar da suka samu ta cewa ’Yan Boko Haram ɗin da suke tsare da su sun fita kai hari wani gari sannan  suka tsere, inda suka kwana ukku suna tafiya cikin jeji. Daga bisani sun haɗu da rundunar sojan Nijeriya wacce ta kai su Maiduguri.

“Amma yanzu gamnati ta kore mu, sun ce mana mu kwashe yanamu-yanamu  mu bar sansanin ’yan gudun hijirar, kuma tun daga wannan lokacin na faɗa tasku. A halin yanzu ina tsaka mai wuya kuma ina neman agaji don in samu in tsira da raina,” In ji Falmata Garba.

Ita ma Hauwa Hamman Gwoza, wata matashiya ‘yar shekara 26, ta ba da labarin abin da ta fuskanta a ƙarƙashin ikon Boko Haram a garin Gwoza. Karatunta ya tsaya cak lokacin da Boko Haram suka mamaye garin, suka ƙona makarantu sannnan suka hana su samun damar yin karatu.

Hauwa an tilasta mata zama a gida tsawon watanni, tana tsoron hukunci ko auren dole idan aka kama ta a waje. Lokacin da Boko Haram suka bar Gwoza, Hauwa ta kasance tare da iyayenta inda aka tilasta su shiga daji tare da mayaƙan Boko Haram. Bayan wasu watanni, ta samu ta tsere, amma ‘yan’uwanta mata biyu suna can tare da Boko Haram, an tilasta musu yin aure da mayaƙan tare da haifar musu yara.

Bayan ta tsere ne ta samu ta yi aure, amma mijinta ya bar ta bayan ta haifi yara huɗu. Yanzu tana zaune ne tare da ɗan’uwanta a sansanin ‘yan gudun hijira na Bwari a Abuja. Hauwa ta yi kira ga gwamnatin tarayya da ta taimaka mata ta fara kasuwanci domin kula da ‘ya’yanta.

“Kamar yadda kuke gani, ba ni da wata hanyar samun kuɗin shiga sai dai ɗinkin hula da nake yi da hannu, wanda yake ɗaukar kusan wata biyu kafin in kammala guda ɗaya. Ina kira ga gwamnatin tarayya da hukumomin da abin ya shafa da su taimake ni da jari ko horo na ƙwarewa don in dogara da kaina in kula da yarana.”

A cikin watan Nuwambar bara, Ƙungiyar Kare Haƙƙin bil’Adam ta Amnesty International ta ƙaddamar da wani shiri mai taken #EmpowerOurGirls da nufin jawo hankalin hukumomin Nijeria da sauran masu ruwa da tsaki don tallafa wa mata da ƙananan yaran da suka tsira daga musgunawar ’yan Boko Haram da ta soja a jihohin Arewa maso Gabas don su dogara da kansu.

Daraktan Ƙungiyar Kare Haƙƙin bil’Adam ta Amnesty International a Nijeriya, Isah Sanusi, ya tabbatar wa Aminiya fara aiatar da wannan kamfe tare da yin alƙawarin bayar da cikakken bayani game da shirye-shiryen Amnesty International ke yi don ganin an ba wa mata da ‘yan matan da suka tsira daga Boko Haram tallafin da ya dace.

Sanata Ireagbor, Masanin Tsaro kuma Mai ba da Shawara kan Harkokin Tsaro a Nijeriya ya bayyana cewa, bai wa mata da ‘yan mata da suka tsira daga hare-haren mayaƙan Boko Haram damar samun ayyukan yi da tallafin kuɗi ba kawai wajibi ba ne, wata dabara ce ta yaƙi da ayyukan ta’addanci da a Arewa baki ɗaya.

“Ta hanyar bai wa waɗannan mutanen damar kula da kansu da iyalansu, za mu iya rage tasirin manufofin ‘yan ta’adda waɗanda sau da yawa ke amfani da halin talaucin da mutane ke ciki don yaɗa manufofinsu a cikin al’umma da kuma samun sabbin masu shiga ƙungiyarsu,” in ji Ireagbor.

Ya ƙara da cewa, “a wannan yanayin, matan da aka bai wa dama za su iya zama wakilan sauyi wajen inganta zaman lafiya da daidaito tsakanin maza da mata, da kuma juriya a cikin al’ummominsu.

”Haɗin kai tare da shugabannin al’umma da ƙungiyoyin mata yana da muhimmanci don tabbatar da cewa shirye-shiryen sun dace da al’adun al’umma kuma suna magance ƙalubalen da waɗanda abin ya shafa ɗin ke fuskanta.”

Naomi Abwaku Chibok, Jami’ar Hulɗa da Jama’a na Hukumar Raya Arewa Maso Gabas (NEDC), ta bayyana wa wakilinmu cewa, hukumar tana yin iyakar ƙoƙarinta don tabbatar da cewa mata da ‘yan matan da suka tsira daga Boko Haram a Arewa Maso Gabas ana kula da su da kuma basu damar sake gina rayuwarsu.

“Tare da ƙoƙarin da hukumar ke yi wajen taimakawa matan da suka tsira daga musgunawar Boko Haram ko ta soja, an kafa cibiyar koyon sana’o’i a Ningi Jihar Bauchi. Inda waɗanda abin ya shafa musamman mata suke koyon sabbin hanyoyin sana’a tare da ƙwarewar da za su iya tallafawa rayuwarsu.

“NEDC ta kuma kafa Ɗakin Tiyata don kula da matsalar Yoyon-fitsari ga mata da ke buƙatar hakan,” in ji Naomi.

Da muka tuntuɓe ta, ta hanyar manhajar WhatsApp, Kwamishiniyar Harkokin Mata da Ci gaban Jama’a ta Jihar Borno, Hajiya Zuwaira Gambo, ta bayyana cewa ba za ta iya yin tsokaci ba saboda yanayin lafiyarta.