Babbar Gasar Wasannin Kankara Ta Zama Damar Tabbatarwa Duniya Niyyar Karfafa Zaman Lafiya
Published: 9th, February 2025 GMT
A rana Juma’a da ta gabata, aka kaddamar da gasar wasannin kankara ta nahiyar Asiya karo na 9, a birnin Harbin na lardin Heilongjiang na kasar Sin. Wannan gasa ta kasance babbar gasar wasannin kankara ta kasa da kasa karo na 2 da Sin ta karbi bakuncinta, biyo bayan gasar wasannin Olympics na lokacin sanyi da ta gudana a birnin Beijing na Sin, a shekarar 2022.
Wata babbar ma’ana ta gasar ta wannan karo, ita ce tabbatar da hadin kan kasashen nahiyar Asiya. Ko da yake tattalin arzikin nahiyar na ta samun ci gaba cikin matukar sauri cikin shekaru 50 da suka gabata, sauyawar yanayin al’amuran siyasa na duniya, da takarar da ake yi tsakanin kasashe daban daban, suna ci gaba da haifar da kalubale a nahiyar. Bisa la’akari da wannan yanayin da ake ciki, taken gasar wasannin kankara ta nahiyar Asiya ta wannan karo na “tabbatar da hadin kan kasashen nahiyar Asiya” ya nuna bukatar dake akwai, gami da burin jama’ar kasashen Asiya na karfafa zaman lafiya da ci gaban tattalin arziki a kasashensu.
A wajen bikin kaddamar da gasar wasannin kankara ta wannan karo, shugaban kasar Sin Xi Jinping ya gabatar da shawarwarin karfafa niyyar tabbatar da zaman lafiya, da ci gaban tattalin arziki, da cudanya, da kauna, tsakanin kasashen Asiya, gami da kasashen duk duniya baki daya, wadanda suka nuna yadda kasar Sin ke kokarin sauke nauyin dake wuyanta, na nemo wa duniya hanyar samun ci gaba mai dacewa, a matsayinta na wata babbar kasa. (Bello Wang)
কীওয়ার্ড: gasar wasannin kankara ta ta wannan karo nahiyar Asiya
এছাড়াও পড়ুন:
Dangote Ya Koma Matsayi Na 86 A Jadawalin Masu Arziƙin Duniya
Arziƙin hamshakin attajirin nan ɗan jahar Kano Alhaji Aliko Dangote ya ninka na bara inda ya ƙaru zuwa dala biliyan 23.9, wanda hakan yasa ya cigaba da kasancewa mutumin da yafi kowa dukiya a nahiyar Afrika kuma ya koma matsayi na 86 a jadawalin masu kudin Duniya kamar yadda mujallar Forbes mai ƙididdiga akan masu kuɗin Duniya ta fitar, Forbes ta zaɓi Aliko Dangote a matsayin mutum na 144 mafi arziƙi a duniya a shekarar 2024 da dala biliyan 13.4.
Forbes ta yi kiyasin cewa dukiyar Dangote ta kai dala biliyan 23.9, musamman saboda hannun jarin sa na kashi 92.3 na matatar man dangote, Aliko Dangote mai shekaru 67, ya sake zama ɗaya daga cikin manyan attajirai 100 a duniya, matsayin da bai riƙe ba tun shekarar 2018, a cewar Forbes Real-Time Billionaires List.
Zargin Damfara: Kotu Ta Ba Da Umarnin Kama Ma’aikacin Dangote Kamfanin Harhaɗa Mota Na Dangote Ya Kera Peugeot 3008 GT A KadunaWannan ya sa ya zarce ɗan Afrika ta Kudu Johann Rupert, wanda ke matsayi na 161 a duniya yana da dukiyar da aka ƙiyasta ta kai dala biliyan 14.4, kuma ya zarce Mike Adenuga, wanda shi ne na biyu mafi arziƙi a Nijeriya kuma yake na 481 a duniya, inda yake da dukiyar da ta kai dala biliyan 6.8.
Dangote ya shiga harkar mai a shekarar da ta gabata ta hanyar gina matatar mai mafi girma a Afirka, bayan shekaru 11, ya zuba jarin dalar Amurka biliyan 23, matatar Dangote ta fara aiki a bara inda matatar da ke kan wani yanki mai girman eka 6,200 a yankin Free Zone na Lekki, za ta sarrafa ganga 650,000 a kowace rana (b/d), wanda zai zama matatar mai ta bakwai mafi girma a duniya kuma mafi girma a Afrika.
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma