Amurka Ta Ce Kule Kuma Sin Ta Ce Cas
Published: 10th, February 2025 GMT
Wani sabon babi na takaddamar cinikayya a duniya na kunno kai biyo bayan sabon matakin da shugaban Amurka Donald Trump ya dauka na karin harajin kashi 10 cikin dari kan kayayyakin da Sin ke shigowa da su kasarsa, lamarin da ke ci gaba da rura takun sakar kasuwanci a duniya. Tabbas wannan ba maganar haraji ce kawai ba, gwaji ne na juriya, dabaru da tasiri a duniya.
Wannan lamarin dai ba sabon abu ba ne, kuma ya ginu ne a kan takaddamar kasuwanci da ta dade take ci gaba da tabarbarewa a tsakanin kasashen, inda tuni ake musayar kakaba wa juna haraji da takunkumi tare da yin barazana kan kayayyakin juna tun daga shekarar 2018. Yau 10 ga watan Fabrairu ne ake sa ran harajin da Sin ta kakaba wa kayayyakin Amurka zai fara aiki, ko da yake Trump ya ce zai yi magana da shugaban kasar Sin Xi Jinping, don haka ba mamaki a samu maslaha game da batun.
Daga cikin matakan da Sin ta dauka akwai sanya haraji na kashi 10 cikin dari kan kwal da iskar gas LNG, da kashi 15 cikin dari kan danyen mai na Amurka. Kazalika kasar Sin ta sanya harajin kashi 10 cikin dari kan injunan aikin gona, da manyan motocin dakon kaya, da wasu manyan motoci. Za mu iya cewa wannan mataki ba zai yi mummunan tasiri ga masu amfani da wadannan kayayyaki na cikin gidan Sin ba, saboda cikin ‘yan shekarun nan, kasar Sin ta kara zuba jari a kan injunan aikin gona don inganta samar da kayayyaki, da rage dogaro da shigo da kayayyaki daga kasashen waje, da karfafa samar da abinci. Har ila yau, akwai wasu matakan da ba na haraji ba, daya daga cikinsu shi ne wani bincike na yaki da cin hanci da rashawa kan katafaren kamfanin Google na Amurka.
Kasar Sin a shirye take, duk lokacin da Amurka ta ce mata kule tabbas za ta mayar mata da cas, kuma ya kamata fitowar fasahar kirkirarriyar basira ta DeepSeek daga kasar Sin, wadda takunkumin Amurka na hana samar da kwakwalen kwamfuta na Nvidia (chips) ga kasar Sin ya tursasa, wadda ta zama abin al’ajabi a duniyar fasaha, tare da sauya al’amurran da suka jibinci yin amfani da kirkirarriyar basira, ta zama izina ga Amurka. (Mohammed Yahaya)
কীওয়ার্ড: cikin dari kan
এছাড়াও পড়ুন:
A Kasar Gabon Brice Oligui Nguema Ya Lashe Zaben Shugaban Kasa
Shugaban gwamnatin rikon kwarya na kasar Gabon wanda ya tsaya takarar shugabancin kasar, ya lashe zabe da kawo 90.35% kamar yadda sanarwar ma’aikatar cikin gida ta sanar.
Brice Nguema ne dai ya jagoranci juyin mulkin da ya kifar da gwamnatin Ali Bango a watan Ogusta na shekarar 2023, ya kuma shiga cikin ‘yan takarar shugabancin kasar a wannan zaben.
Dan takara na biyu da yake binsa a baya, shi ne Alain Claude Bilie Bie Nze da ya sami kaso 3.02% na jumillar kuri’un da aka kada.
An sami halartar kaso 70.4% na jumillar wadanda su ka cancanci kada kuri’a da ya zama mai muhimmanci da zai kawo karshen mulkin rikon kwarya na soja.
Zaben na wannan lokacin shi ne irinsa na farko tun 2023.
Yawan masu kada kuri’ar dai sun kai 920,000, sai kuma masu sa idanu daga kasashen waje da sun kai 28,000.
Adadin mutanen kasar Gabon ya kai miliyan 2.3 da mafi yawancinsu suke rayuwar talauci duk da cewa Allah ya huwace wa kasar arzikin man fetur.
Masu Sanya idanu akan zaben sun ce, a kalla san sami kula da dukkanin ka’idojin zabe a cikin kaso 94.8 na mazabun kasar, kuma an baje komai a faifai ba tare da kumbaya-kumbiya ba da kaso 98.6%. Gabanin yin juyin mulkin da ya kawo karshen mulkin iyalan Bango na shekaru 50, Oligui Nguema ya kasance shugaban rundunar da take tsaron fadar shugaban kasa na kusan shekaru biyu.
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma