HKI: Barazana Ba Ta Tasiri Akan Hamas
Published: 11th, February 2025 GMT
Kafafen watsa labarun HKI sun ce; Barazanar da ake yi wa kungiyar Hamas ba ta wani tasiri a gare ta.
Kafafen watsa labarun na HKI suna yin tambaya akan yadda Hamas din take isar da sakwanni a fakaice ga Isra’ila a yayin bikin mika fursunoni da take shiryawa.
Tashar talabijin din ta 12: ta ambaci cewa; A cikin wannan yanayi mai tsanani da ake ciki, ko wane sako ne kungiyar ta Hamas take son isarwa ta hanyar shirya biki a yayin sakin fursunoni?
Shi kuwa mai yi tashar sharhi, Ohad Hamu, ya ce kungiyar ta Hamas ta isar da sako da harshen Hebrew da take mahana da Isra’ilawa, sai kuma turanci da take Magana da gwamnatin Amurka, da hakan yake nufin kin amincewa da shirin Donald Trump.
Ita kuwa tashar talabijin ta 13: cewa ta yi Hamas ta yi watsi da dukkanin sakwannin da Isra’ila take aike mata, kuma ko kadan ba ta damu da barazanar da ake yi ma ta ba.
Har ila yau tashar talabijin ta 12; ta ce, hotonnin da suke fitowa daga Gaza suna nuni da cewa, har yanzu Hamas ce take iko da yankin.
Shi kuma tsohon Fira ministan HKI Ehud Barack cewa ya yi; rashin tsayyar manufa ta gwmanatin Netanyahu ne ya sa har yanzu Hamas din yake ci gaba da iko da Gaza. Ya kuma kara da cewa, ba ta hanyar kashe shugabannin Hamas ne za a kawo karshenta ba, sai dai ta hanyar samar da wadanda za su maye gurbinta.
উৎস: HausaTv
এছাড়াও পড়ুন:
Jiragen Saman Sojojin Mamayar Isra’ila Sun Luguden Wuta Kan Asibitin Baptist Da Ke Gaza
Jiragen saman yakin mamayar Isra’ila sun kai farmaki kan asibitin Baptist da ke birnin Gaza, lamarin da ya janyo dakatar da aiki a cikinsa
Wakilin gidan talabijin na Al-Alam Mohammed Al-Balbisi ya ruwaito cewa: Jiragen saman yakin sojojin mamayar Isra’ila sun yi ruwan bama-bamai a wasu gine-gine na asibitin Baptist, da suka hada da ginin sashin kula da marasa lafiya cikin gaggawa da kuma motocin daukar marasa lafiya da wasu sassa da tantuna da ke ba da hidima ga wadanda suka jikkata.
Ya yi nuni da cewa da sanyin Safiya yau Lahadi, sojojin mamayar Isra’ila sun harba makamai masu linzami da dama kan wadannan gine-gine lamarin da ya tilastawa marasa lafiya da likitoci ficewa daga asibitin tare da fakewa a nesa da asibitin, inda hare-haren suka rusa gine-ginen asibitin.
Wakilin ya kara da cewa: Wannan shi ne karo na biyu da ake kai wa asibitin Arab Baptist hari, domin an kai harin bama-bamai a farkon fara kai hari kan Gaza, wanda ya yi sanadin mummunan kisan kiyashi da ya ci rayukan daruruwan mutane.
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma