Sojoji Sun Yi Nasara Akan ‘Yan Ta’adda A Zamfara Da Sakkwato.
Published: 13th, February 2025 GMT
Dakarun Operation Fansan Yamma sun dakile ayyukan ta’addanci a jihohin Zamfara da Sokoto daga ranar 1 zuwa 10 ga watan Fabrairun 2025.
A cewar wata sanarwa da kodinetan cibiyar yada labarai na Operation Fansan Yamma Laftanar Kanar, Abubakar Abdullahi ya fitar, ya ce harin ya yi sanadin fatattakar ‘yan ta’adda da dama da suka hada da wasu manyan ‘yan ta’adda.
Ta ce aikin na inganta tsaron rayuka da dukiyoyi a yankin.
Sanarwar ta bayyana cewa, a tsawon wannan lokaci, sojoji sun yi nasarar kashe ‘yan ta’adda da dama da suka hada da sarakuna irin su Kachalla Na Faransa, Dogon Bakkwalo, Auta Gobaje da Dan Mai Dutsi da dai sauransu.
Ya bayyana cewa, an kawar da da yawa daga cikin wadannan mutane a wani kazamin fada da aka yi a kananan hukumomin Shinkafi da Zurmi na jihar Zamfara da kuma karamar hukumar Isa ta jihar Sokoto.
Baya ga kawar da wasu manyan mutane, sojojin sun kai farmaki kan maboyar ‘yan ta’adda, inda ta ce an lalata maboyar ‘yan ta’adda kimanin 40, a cikin yankunan Tungar Fulani, Unguwar Goga, Tudun Gangara, da Gidan Maji.
Sanarwar ta ci gaba da cewa, wannan gagarumin farmakin na da matukar muhimmanci wajen dakile ayyukan ta’addanci a yankin Arewa maso Yamma.
Sojojin sun kuma samu nasarar kwato tarin makamai da alburusai, wanda zai zama muhimmi wajen hana kai hare-hare.
Sanarwar ta jaddada cewa, Operation Fansan Yamma na ci gaba da jajircewa wajen kawo cikas ga ayyukan ta’addanci a yankin Arewa maso yammacin Najeriya da jihar Neja.
Muna kara jan hankalin jama’a da su ci gaba da bayar da bayanai kan ‘yan ta’addan da ke gudun hijira har da Bello Turji da mukarrabansa.
Rel/Aminu Dalhatu/WABABE
উৎস: Radio Nigeria Kaduna Hausa
কীওয়ার্ড: Sakkwato Tsaro Zamfara yan ta adda
এছাড়াও পড়ুন:
Uwargidan Gwamnan Jihar Kaduna Ta Raba Abinci, Tufafi Ga Marayu, Mabukata Da Malamai
Uwargidan Gwamnan Jihar Kaduna, Hajiya Hafsat Uba Sani, ta raba kayan abinci da tufafi ga marayu, mabukata da malamai a Hayin Na’iya dake Kaduna.
An gudanar da taron ne a makarantar Ummul Muminina Hafsat Islamic Academy da ke Hayin Na’iya, Kaduna.
Hajiya Hafsat Uba Sani, wacce Hajiya Aisha Idris Maman ‘Yan Uku ta wakilta, ta jaddada bukatar ganin masu hali su tallafa wa talakawa da mabukata a cikin al’ummarsu.
“Uwargidan gwamnan ta yi imanin cewa marayu da mabukata suna bukatar soyayya, kulawa da tallafi kamar kowane yaro,” in ji ta.
“Wannan shiri ba wai kawai don samar da abinci da tufafi ba ne; yana nufin nuna musu cewa ana kaunarsu kuma ba a manta da su ba.”
“Muna karfafa gwiwar kowa da kowa da ke da hali da ya tallafa wa masu bukata,” ta kara da cewa.
Da yake jawabi a wajen taron, Shugaban makarantar, Malam Hassan Abubakar, ya nuna matukar godiya ga uwargidan gwamnan, Hajiya Hafsat Uba Sani, saboda ci gaba da tallafinta.
Ya bayyana cewa wannan shi ne karo na biyu da take rabon kayan abinci da tufafi ga marayu, mabukata da malamai a makarantar, baya ga hidimar da take yi wa marayu fiye da shekaru goma.
“Fiye da shekaru goma, Uwargidan gwamnan tana daukar dawainiyar marayu, tana samar musu da bukatun rayuwa ba wai abinci da tufafi kawai ba. Wannan shi ne karo na biyu tana kawo wannan tallafi zuwa makarantar mu, kuma ba za mu gaji da gode mata ba,” in ji shi.
“Muna addu’a Allah ya ba ta lafiya da kuma ci gaba, Ya sa mata albarka a cikin ayyukanta,” ya kara da cewa.
Haka nan, shugabar dalibai, Malama Fatima Abdullahi, da daya daga cikin marayun da suka amfana, sun nuna godiyarsu, suna bayyana Hajiya Hafsat a matsayin uwa gare su duka.
Sun yi addu’a Allah ya ci gaba da sa ka mata da alkhairi da kareta.
A yayin taron, an rabawa wadanda suka amfana kayan abinci, zannuwan atamfa da shadda don su more bikin Sallah cikin jin dadi da walwala.
Ci gaba da kokarin jin-kai da Hajiya Hafsat Uba Sani ke yi ya sa ta sami yabo daga jama’a, yana kara tabbatar da jajircewarta wajen inganta rayuwar mabukata a Jihar Kaduna.
COV: Khadija Kubau
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma