An Kaddamar Da Shirin Kawar Da Mace-Macen Mata Masu Juna Biyu a Kano
Published: 14th, February 2025 GMT
Gwamnatin jihar Kano, KNSG, ta ce ta tanadi hanyoyin dakile mace-macen mata masu juna biyu maimakon rage yawan mace-macen.
Kwamishinan lafiya na jihar Dr Abubakar Labaran Yusuf ne ya bayyana haka a lokacin da yake jawabi a wajen taron hadin gwiwa na Partners Coordination Forum (PCF) da aka gudanar a Kano.
A wata sanarwa mai dauke da sa hannun jami’in hulda da jama’a na ma’aikatar lafiya ta jihar Kano Ibrahim Abdullahi, ta bayyana cewa, Dakta Abubakar Labaran ya bayyana cewa gwamnati ta himmatu sosai wajen kawo sauyi a fannin kiwon lafiya a karkashin gwamnatin Gwamna Abba Kabir Yusuf, da niyyar ganin ba macen da ta mutu a lokacin haihuwa.
Ya yi karin haske kan gyare-gyaren da aka yi a cibiyoyin kula da lafiya na sakandare da kuma bayar da kwangiloli na inganta cibiyoyin kiwon lafiya na matakin farko sama da 200 a wani bangare na dabarun karfafa kiwon lafiyar mata masu juna biyu.
Ya nuna damuwarsa kan alkaluman da ke nuna cewa sama da kashi 70% na mata a Kano sun fi son haihuwa a gida da taimakon masu haihuwa na gargajiya maimakon neman magani a asibitoci.
Ya danganta hakan da rashin kwarin gwiwa kan ayyukan kiwon lafiya.
“Mata da yawa sun yi imanin cewa haihuwa a dakunan aurensu ya fi zuwa asibiti lafiya saboda sun daina amincewa da samun kulawar da ta dace. Don haka ne muke gyara asibitocinmu tare da karfafa cibiyoyin kula da lafiya a matakin farko. Manufarmu ita ce a samar da akalla cibiyoyin kiwon lafiya na matakin farko guda daya a kowace Unguwa ta Jihar Kano.”
An kammala taron tare da abokan hadin gwiwa da suka yi alkawarin bayar da goyon bayansu ga kokarin jihar Kano wajen cimma wannan gagarumin buri.
Khadijah Aliyu/Wababe
উৎস: Radio Nigeria Kaduna Hausa
কীওয়ার্ড: Haihuwa Lafiya kiwon lafiya
এছাড়াও পড়ুন:
Gwamna Namadi Ya Kaddamar Da Aikin Gina Tituna Akan Kudi Naira Biliyan 6.3
Gwamna Umar Namadi ya kaddamar da aikin gina titin Kanya Babba (Kwanar Duzau) zuwa Kankare zuwa Ballada zuwa Duzau zuwa Danhill zuwa Kyambo zuwa Mundu zuwa Goron Maje.
Aikin wanda aka bayar da shi kan kudi naira biliyan 6 da miliyan 300, wani muhimmin mataki ne a yunkurin gwamnatin jihar na inganta ababen more rayuwa da hanyoyin sada yankuna.
Da yake jawabi a wajen taron, Gwamna Namadi ya jaddada muhimmancin hanyoyin, wajen samar da ci gaban tattalin arziki, da inganta hanyoyin samar da ababen more rayuwa, da inganta rayuwar al’ummar yankin.
Ya sake jaddada kudurin gwamnatinsa na samar da ingantattun ababen more rayuwa da za a dade ana amfana da su.
Ya kuma bayyana cewa, ana sa ran da zarar an kammala aikin zai bunkasa kasuwanci, da saukaka kalubalen sufuri, da bude sabbin hanyoyin tattalin arziki ga mazauna yankin.
Malam Umar Namadi ya ce, gwamnatin jihar ta bayar da kwangilar gina sabbin hanyoyi arba’in da bakwai na tsawon sama da kilomita dari tara a jihar.
Ya bayyana cewa ana ci gaba da gudanar da ayyuka a dukkan hanyoyin da aka bayar da aikinsu.
A nasa jawabin kwamishinan ayyuka da sufuri na jihar Injiniya Gambo S Malam ya ce an bayar da aikin gina hanyar kanya Babba, zuwa Duzau zuwa Goron Maje akan kudi sama da naira biliyan shida.
Wakilinmu ya ruwaito cewa, Karamar Ministar Ilimi Farfesa Suwaiba Ahmed Babura ce ta kaddamar da aikin.
Wasu daga cikin manyan baki da suka halarci bikin sun hada da, mataimakin gwamnan jihar Jigawa Injiniya Aminu Usman, da kakakin majalisar dokokin jihar Alhaji Haruna Aliyu Dangyatum da sakataren gwamnatin jihar Malam Bala Ibrahim da dai sauransu.
Usman Muhammad Zaria
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma