Aminiya:
2025-04-05@22:54:26 GMT

Tsarin Sufuri: Gwamnatin Kano da kamfanin Stata sun ƙulla yarjejeniya

Published: 6th, March 2025 GMT

Gwamnatin Jihar Kano, ta ƙulla yarjejeniya da kamfanin Stata Logistics Limited domin kafa sabon tsarin sufuri na zamani da za a dogara da amfani da CNG (Compressed Natural Gas) a jihar.

A taron da aka gudanar a Ma’aikatar Sufuri ta Kano, Daraktan Kamfanin Stata Logistics, Chuks Nwani, ya bayyana cewa shirin zai rage cunkoson ababen hawa a titunan Kano.

Majalisar Dattawa na shirin dakatar da Natasha na wata 6 An yanke wa masu fyaɗe 3 hukuncin dandanƙewa da rataya a Kaduna

Hakan zai samu ne ta hanyar maye gurbin ƙananan motoci da sabbin bas-bas na zamani masu amfani da CNG.

Waɗannan bas-bas za su iya ɗaukar fasinjoji da kashi 120 sama da motocin sufuri na yanzu, wanda zai samar da tafiya mai sauƙi, aminci, da arha ga al’ummar Kano.

“Burinmu shi ne inganta sufuri a Kano ta hanyar amfani da CNG, wanda zai rage tsadar tafiye-tafiye da kuma saurin isa inda ake so idan aka kwatanta da tsarin yanzu,” in ji Nwani.

Sabbin Bas-Bas da Sabbin Tashoshin CNG

A wani ɓangare na shirin, kamfanin Stata Logistics zai gina tashoshin CNG guda shida a Kano don tabbatar da wadataccen gas ga motocin sufuri.

Haka nan, za a fara da saka jarin bas-bas 135, kowane na da darajar kusan dala 140,000, wanda gaba ɗaya zai kai dala miliyan 25.

“Muna buƙatar goyon bayan gwamnati ta hanyar samar da manufofin da za su tabbatar da nasarar wannan shiri, domin al’umma su amfana da tsarin sufuri na zamani,” in ji Nwani.

Goyon Bayan Gwamnatin Kano

Kwamishinan Sufuri na Kano, Ibrahim Ali Namadi, ya yaba da shirin, wanda ya dace da sabuwar dokar Kano Metropolitan Agency (KAMATA), wacce aka kafa domin tsara sufuri a Kano.

“Sun gabatar da kyakkyawan shiri don inganta sufuri a Kano, kuma mun ba su damar ci gaba da shirye-shiryen da suka dace.

“Bayan sun kammala, za mu gabatar da shirin ga Mai Girma Gwamna domin tantancewa,” in ji Namadi.

Ya ƙara da cewa yana da yaƙinin cewa wannan tsarin zai kawo ci gaba mai yawa, inda ya kafa misali da Jihar Legas a matsayin abin koyi a fannin gyaran tsarin sufuri na birane.

“Wannan ci gaba ne mai muhimmanci. Idan aka aiwatar da shi cikin nasara, Kano za ta zama birni na biyu mafi girma a Najeriya da ke da irin wannan tsarin sufuri na zamani,” in ji shi.

উৎস: Aminiya

কীওয়ার্ড: gwamnatin Kano Tsari tsarin sufuri na

এছাড়াও পড়ুন:

Bello Turji ya kashe manoma 11 a wani sabon hari a Sakkwato 

Ƙasurgumin ɗan bindiga, Bello Turji, da mayaƙansa sun kai mummunan hari garin Lugu da ke Ƙaramar Hukumar Isa a Jihar Sakkwato, inda suka kashe manoma 11.

Rahotanni sun nuna cewa harin ya faru ne yayin da Turji ke dawowa daga wata ziyarar sallah da ya kai yankin.

Najeriya ta yi kuskuren barin Boko Haram ta yi ƙarfi — Muftwang NAJERIYA A YAU: Ƙalubalen Da Iyaye Ke Fuskanta Wajen Tarbiyyar ‘Ya’yansu

Wani mazaunin Isa, Basharu Altine Giyawa, ya ce, “Tun a ranar Asabar muka samu bayanai cewa Turji zai ziyarci Gatawa, kuma mun sanar da hukumomi.

“Duk da haka, shi da mutanensa sun bi ta ƙauyukanmu, sun yi bikin sallah, sannan suka kashe manoma 11 a hanyarsu ta komawa Fakai.”

Ɗan majalisar dokokin Jihar Sakkwato mai wakiltar yankin, Hon. Aminu Boza, ya tabbatar da samun rahoton harin.

Amma ya ce: “Turji bai ziyarci kowace unguwa a yankina domin yin sallah ba. Mun ɗauki matakin gaggawa bayan samun bayanai, wanda hakan ka iya zama dalilin da ya sa ya mayar da martani kan waɗannan manoman a Isa.”

Mazauna yankin sun bayyana damuwa kan yadda hare-haren ‘yan bindiga ke ci gaba da ƙaruwa, duk da ƙoƙarin jami’an tsaro.

Sun yi kira ga gwamnati da ta ƙara ƙaimi wajen magance matsalar domin kare rayuka da dukiyoyinsu.

Hukumomin tsaro har yanzu ba su fitar da wata sanarwa kan harin ba, amma majiyoyi sun bayyana cewa sojoji na bin sahun Turji domin daƙile ayyukansa a yankin.

সম্পর্কিত নিবন্ধ

  • Rashin ɗa’a: Gwamnatin Borno ta gargaɗi masu amfani da shafukan sada zumunta
  • An kai wa motar haya hari an kashe mutum 2 da sace wasu a Benuwe
  • ’Yan sanda sun gayyaci Sarki Sanusi domin amsa tambayoyi
  • Ɗalibai za su koma makaranta ranar Lahadi da Litinin – Gwamnatin Kano
  • China Za Ta Kara Harajin Fito Da Kashi 34% Kan Kayayyakin Da Take Shigo Da Su Daga Amurka
  • Dalilan Da Suka Sa Gwamnatin Tarayya Zamanantar Da Wuraren Kiwo 417
  • Gwamnati Za Ta Dawo Da Sayar Wa Dangote Ɗanyen Mai Da Farashin Naira
  • Wata Babbar Kotu A Seoul Ta Tube Shugaban Kasa Daga Mukaminsa Saboda Doka Ta Bacin Da Ya Kafa
  • Gwamnatin Kwara Ta Bullo Da Shirin Habbaka Kiwon Dabbobi Da Raya Karkara
  • Bello Turji ya kashe manoma 11 a wani sabon hari a Sakkwato