HausaTv:
2025-04-06@21:35:15 GMT

 Falasdinawa 90,000 Ne Su Ka Yi Sallar Juma’a A Masallacin Kudus

Published: 7th, March 2025 GMT

A yau Juma’ar farko ta watan Ramadan an kiyasta cewa adadin Falasdinawan da su ka halarci sallar juma’a  a masallacin Kudus, sun kai 90,000,duk da cewa sojojin HKI sun hana wasu falasdinawan masu yawa isa masallacin.

“Yan sandan Sahayoniya sun rufe dukkanin hanyoyin da suke isa cikin masallacin, domin bincika takardun masu wucewa, saboda su hana samari da matasa majiya karfi shiga cikin masallacin.

উৎস: HausaTv

এছাড়াও পড়ুন:

Kanwan Katsina Ya Yabi Gwamnatin Katsina Kan Farfado Da Al’adar Hawan Durbar

 

Hakimin Ketare kuma Kanwan Katsina, Alhaji Usman Bello Kankara, ya yaba wa Gwamnatin Jihar Katsina bisa karɓar jakadun ƙasashe goma daga sassa daban-daban na duniya a lokacin bukukuwan Sallah na bana.

A cikin wata sanarwa, ya bayyana cewa irin wannan haɗin gwiwar diflomasiyya ba wai kawai zai bai wa duniya damar ganin al’adun gargajiya masu ɗimbin tarihi na jihar ba, har ila yau zai buɗe ƙofofin zuba jari da haɗin gwiwar ƙasashen waje.

Alhaji Usman Bello Kankara ya kuma jinjinawa gwamnati bisa jajircewarta wajen farfado da tsohuwar al’adar Sallah Durbar da ke da tarihin fiye da shekaru ɗari a Jihar Katsina.

“Gwamnatin Jihar Katsina ta cancanci yabo bisa irin ƙoƙarinta na farfado da tsohuwar al’adar Sallah Durbar da ke da dogon tarihi a jihar.” In ji shi.

A cewarsa, gyaran kujerun masu kallo a fadar sarkin Katsina da ta Daura, da kuma tsohon gidan gwamnati, ya taimaka sosai wajen ƙara jin daɗin baƙi da suka halarci jerin gwanon Sallah.

Kanwan Katsina na daga cikin Hakimai da masu rike da sarautun gargajiya da suka raka Mai Martaba Sarkin Katsina, Dr. Abdulmumini Kabir Usman, wajen gudanar da bukukuwan Sallah Durbar na bana a birnin Katsina.

Ranar farko ta jerin gwanon Durbar ta gudana ne a ranar Sallah, inda Musulmi daga sassa daban-daban na jihar suka halarta tare da iyalansu da dangi.

Ranar ta biyu ta kasance ranar kai gaisuwar Sallah zuwa gidan gwamnati, wanda Sarkin Katsina ya jagoranta tare da rakiyar hakimai da masu sarauta, inda suka kai gaisuwa ga Gwamna Malam Dikko Umar Radda a tsohon gidan gwamnati na Katsina.

An gudanar da jerin gwanon Durbar cikin kyan gani, inda aka ga sarakuna da fadawansu cikin kayan gargajiya, da dawakan da aka kawata cikin kyau, tare da dimbin jama’a da suka shaida bukukuwan.

Daga cikin manyan baƙin da suka halarta har da Jakadan ƙasar Bulgaria a Najeriya, Yanko Yordanov, da wasu jakadu tara daga ƙasashe daban-daban tare da iyalansu, waɗanda Gwamnatin Jihar Katsina ta karɓa domin halartar wannan biki mai tarihi.

Wakilan Kanwan Katsina a wannan jerin gwanon sun haɗa da dukkanin dagatai a gundumar Ketare, mambobin majalisar gundumar Ketare da kuma dangin Kanwan Katsina.

Shekarar bana ta nuna zagayowar karo na 25 da Kanwan Katsina ke halartar bukukuwan Sallah Durbar tun bayan naɗinsa da aka yi a shekarar 2000 daga marigayi Sarkin Katsina, Alhaji Dr. Muhammadu Kabir Usman.

Release/Adamu Yusuf

সম্পর্কিত নিবন্ধ

  • Burtaniya Ta Soki Gwamnatin Netanyahu Kan Hana ‘Yan Majalisarta Biyu Shiga Cikin Isra’ila
  • Kanwan Katsina Ya Yabi Gwamnatin Katsina Kan Farfado Da Al’adar Hawan Durbar
  • Duk Da Matsin Tattalin Arziki, Bukukuwan Sallar Bana Ta Yi Armashi
  • Francesca Albanze: Abinda Yake Faruwa A Gaza Kisan Kiyashi Ne
  •  Kungiyar Malaman Musulunci Ta  Duniya Ta  Yi Fatawar Wajabcin Taimakawa Falasdinawa
  • 2027: Tsananin Yunwa Zai Hana ‘Yan Nijeriya Sake Zaɓen Jam’iyyar APC – PDP
  •  Falasdinawa 86 Ne Su Ka Yi Shahada A Cikin Sa’o’i 24 Da Su Ka Gabata
  • Dalilan Da Suka Sa Gwamnatin Tarayya Zamanantar Da Wuraren Kiwo 417
  • Yadda aka yi jana’izar Dokta Idris Dutsen Tanshi a Bauchi
  • Yadda yi jana’izar Dokta Idris Dutsen Tanshi a Bauchi