PDP ta soki dakatar da Natasha, ta nemi a binciki Akpabio
Published: 7th, March 2025 GMT
Jam’iyyar adawa ta PDP, ta yi Allah-wadai da dakatar da Sanata Natasha Akpoti-Uduaghan bayan ta zargi Shugaban Majalisar Dattawa, Godswill Akpabio kan cin zarafinta.
A cikin wata sanarwa da Sakataren Yaɗa Labaran PDP na Ƙasa, Debo Ologunagba, ya fitar, jam’iyyar ta ce dakatarwar wata hanya ce ta ɓoye zargin da ake yi wa Akpabio.
“Wannan mataki ba wai kawai ya hana Sanata Akpoti-Uduaghan damar kare kanta ba ne, har ma yana nuna cewa majalisar na kare rashin ɗa’a,” in ji PDP.
Jam’iyyar ta kuma ce dakatarwar ba adalci ba ce ga al’ummar yankin Kogi ta Tsakiya, waɗanda yanzu suka rasa wakilci a majalisa.
“Wannan cin zarafi ne da amfani da muƙami ba daidai ba, domin Akpabio na ci gaba da zama a kujerarsa duk da irin wannan zargi mai girma.
“Idan har bai da abin ɓoyewa, ya sauka don bayar da damar gudanar da bincike na gaskiya,” in ji PDP.
PDP ta nuna cewa ba wannan ne karon farko da ake zargin Akpabio da aikata irin wannan ba.
Ta ce tsohuwar Shugabar Hukumar Raya Yankin Neja Delta (NDDC), Dokta Joi Nunieh, ta taɓa yin irin wannan ƙorafi a kansa.
Jam’iyyar ta buƙaci Shugaban Majalisar Dattawa da ya kare sunansa ta hanyar amincewa da bincike maimakon ƙoƙarin ɓoye gaskiya.
উৎস: Aminiya
কীওয়ার্ড: Allah wadai cin zarafi Siyasa zargi
এছাড়াও পড়ুন:
Ɓarawo ya haɗiye ɗan kunnen Naira biliyan ɗaya
Jami’an tsaro sun jiran kayan ado na ’yan kunnayen zinare su wuce ta na’urar binciken fasinjan jirgin sama kafin a gano kayan da aka sace a hukumance.
An kama wani mutum mai shekara 32, mai suna Jaythan Lawrence Glider bisa zargin satar ’yan kunne biyu na zinare na sama da Dala Amurka 769,000 kwatankwacin Naira biliyan 1 da miliyan 177 dubu dari 615 da 840 daga wani babban kantin da ke Millenia a birnin Orlando da ke Jihar Florida a Amurka a ranar 26 ga Fabrairu.
A cewar sashen ’yan sanda na Orlando, Glider ya dauki matakin da ba a saba gani ba na haɗiye ’yan kunnayen da ya sace.
A cewar rahoton ’yan sanda da kafar yada labarai ta WFLA, Glider ya yi amfani da damar shiga sashen kayan ado masu tsada a kantin Tiffany & Co a ranar 26 ga Fabrairu ta hanyar nuna matsayin wakilin ɗan wasan ƙwallon kwando na Orlando Magic.
Rahotanni sun ce wannan dabarar ta ba shi damar shiga cikin sashen manyan kayayyaki masu tsada, inda ya yi awon gaba da su.
An kai shi kurkuku bayan an tsayar da motarsa a kan hanyar Interstate 10 a gundumar Washington.
An kama shi ne bisa zargin kin amincewa da kama shi, baya ga wasu fitattun sammaci guda 48 da aka gano daga Colorado.
Al’amura sun zama abin mamaki lokacin da Glider ya tambayi ma’aikatan gidan yarin, “Shin za a tuhume ni da abin da na hadiye?”
Wannan shigar da bincike da aka yi ya kai ga duba jikin mutumin, inda aka gano wasu abubuwan da hadiya a cikinsa.
Hukumomin sun yi zargin cewa, waɗannan ’yan kunnayen da aka sace, waɗanda darajarsu ta kai Dalar Amurka 769,000 (kwatankwacin Naira biliyan 1 da miliyan 177 dubu dari 615 da 840), inda aka yi zargin Glider ya haɗiye.
Jami’an tsaro a yanzu suna jiran gano kayan ta hanyar na’urar bincike.
Kamar yadda aka sani, haɗiye ƙananan abubuwa kamar ’yan kunnaye bai fiya haifar da babbar illa ba.
A cewar ƙwararrun likitocin, idan abin ya gaza inci ɗaya ko kuma ƙasa da inci 2, to zai iya wucewa ta hanji ba tare da haifar da wata matsala ba.
Glider yana da tarihin matsalolin shari’a, inda aka ba shi sammaci guda 48 a Colorado musamman ma, an kuma tuhume shi da laifin yin fashi a wani kantin Tiffany & Co da ke Texas a cikin shekarar 2022.
Bayan kama shi a baya-bayan nan, Glider na fuskantar tuhumar babbar sata a matakin farko da fashi da abin rufe fuska.
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma