Isyaku Mahmud, makaho ne dan shekara 28 da ke sana’ar sayar da data a yankin Kudancin Kaduna.
Ya shaida wa Aminiya cewa har sana’ar hada-hadar kudi ta POS yana yi a baya, amma yanzu ba shi da jari.
Ta’addancin yankin Sahel ya ninka na sauran sassan duniya — Rahoto Yadda masana’antun Arewa suka koma kufaiAminiya ta ga yadda makahon yake sarrafa manhajojin WhatsApp is Fesbuk kuma yake sayar da data kai tsaye daga wayarsa ta hanyar amfani da tsarin Smart Cash tare da tura kudi da wayar tasa, kamar yadda ya gwadawa wakilinmu.
Dan asalin garin Yalwa da ke Karamar Hukumar Tudun Wada (Dan Kadai) da ke Jihar Kano ne, ya kwashe shekaru kusan biyar yana zuwa yawon bara a garin Kafanchan da ke Jihar Kaduna.
Aminiya ta samu zantawa da shi, inda ya gwada duk abubuwan da yake yi da wayarsa ciki, har da lalubo wakar da ya yi ya kuma tura cikin wani zaure na mawaƙa ba tare da wani ya nuna masa ko ya taimaka ba.
Yana iya kuma tattaunawa da kowa ta hanyar sauti a manhajar WhatsApp tunda bai iya rubutu ba.
Amma da kansa yake budewa ya lalubo wanda yake son tura wa da sako kuma ya tura masa.
“Ka san ina yin wakokin yabon Manzon Allah. Idan na samu ƙarin baitin sai na ɗauko wayata na rera tunda ba zan iya rubutawa ba.
“Idan na gama hada adadin baitukan da nake so akwai dalibai ’yan Islamiyya, sai na ba su muje inda ake buga wakoki a studiyo, sai su hau su rera.
“Ba ni nake rerawa ba, amma duka wakokina ne. A can garinmu nake wannan kuma a yanzu haka ina da kasidu da aka buga sun haura guda 20.
“An haife ni ne a shekarar 1997, an shaida min cewa an haife ni da idanu na garai, amma bayan an yaye ni, a shekarar sai mahaifiyata ta rasu kuma tun daga nan sai na daina gani, wato na makance, shine har zuwa yau kuma,” in ji shi.
Ya ce ya yi karatun tsangaya kafin daga baya aka matsa masa cewa sai ya fita yawon bara.
“Saboda haka ba a son raina nake bara ba, amma a lokacin babu wani abu da zan iya yi. Wannan ya faru ne a shekarar 2012 tun lokacin nake bara.”
Ya ce da zai samu wani tallafi na jari, a shirye yake ya yi wasu sana’o’i ko buɗe shagon harkar POS ko wani abu da zai iya dogaro da shi musamman yanzu da yake da yara ƙananan guda biyu da yake son su samu kulawa ta musamman tare da yin karatu mai zurfi.
“Ina da mata daya da ƙananan yara guda biyu kuma gaskiya ina son su yi karatu duka na addini da na boko.”
উৎস: Aminiya
এছাড়াও পড়ুন:
An sayar da kare mafi tsada a duniya
Kwanan nan wani mai kiwon karnuka a Indiya ya biya Rupee miliyan 500 — kwatankwacin Naira biliyan 8 da miliyan 949 da dubu 481 da 589 domin sayen wani karen kerkeci na jinsin karen Shephard Caucasian, wanda hakan ya sa karen ya zama mafi tsada a duniya.
Karen mai suna Cadabomb Okami, an bayar da rahoton cewa, an yi kiwon karen mafi tsadar ne a Amurka kuma S. Satish, wani mai sha’awar kiwon kare a birnin Bengaluru da ke Indiya kuma shugaban kungiyar masu kiwon karnukan Indiya ne ya saya.
NAJERIYA A YAU: Mene ne Tasirin Shirin NYSC Bayan Shekaru 50 Da Kafa Shi? ACF ta nemi Gwamnatin Tarayya ta kawo ƙarshen kisan jama’a a FilatoYa shahara saboda tarin nau’ukan karnuka sama da 150, ciki har da wasu da ba kasafai ba ake samun su a wasu sassan duniya.
Satish ya shaida wa manema labarai a Indiya cewa, yana jin cewa farashin Rupee miliyan 500 ya dace da Cadabomb Okami saboda a zahiri yana da nau’i na daban.
Bugu da ƙari, jinsi ne mai ban sha’awa, yana dan wata takwas kacal ya riga ya kai nauyin kilo 75 kuma tsayinsa ya kai inci 30.
“Shi wani jinsin kare ne da ba kasafai ba ake samun sa kuma yana kama da kerkeci. Wannan jinsin karen ba a taba sayar da shi a duniya a baya ba,” in ji S. Satish.
“Ina kashe kudi a kan wadannan karnuka saboda ba su da yawa. Ban da haka, ina samun isassun kuɗi domin a koyaushe mutane suna sha’awar ganin su, suna daukar hoton salfi na hotuna.
“Ni da karena mun fi samun kulawa fiye da ɗan wasan kwaikwayo a wurin kallon fim! Mu duka biyun masu jan hankali ne.”
Abin sha’awa, wannan ba shi ne farkon siyayyar karen Indiyawan da mai kiwon karnukan ya saya mai tsada ba.
A bara, ya sayi wani kare jinsin ChowChow, wanda ba kasafai ake samun baye irinsa ba, wanda ake zargin yana da kamanceceniya da dabbar dawa ta ‘red panda’ a kan Dala miliyan 3.25 — kwatankwacin Naira biliyan 4 da miliyan dari 964 da dubu dari 3 da dubu 75.
Satish yana kiwon karnukansa sama da 150 a filin kadada bakwai kuma yana nuna jinsinsu a tarukan da ke faruwa a Indiya, inda ake biyan sa tsakanin Dala 3,000 kwatankwacin Naira miliyan 4 dubu dari 5 da 82 da dubu 2500.
Ya riga ya fara amfani da Okami don dawo da jarinsa, inda yake nuna shi a wasu manyan taruka da aka yi, ciki har da shirin farkon buɗe sababbin finafinai, a Karnataka.
Ya yi iƙirarin cewa, mutane suna ta yin tururuwa don ganin kare mafi tsada a duniya fiye da yadda suka saba gani a sauran karnukan nasa.
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma