Tambuwal Ya Raba Shinkafa Ga Gidaje Dubu 30 A Sokoto
Published: 13th, March 2025 GMT
Tsohon gwamnan jihar Sokoto, Sanata Aminu Waziri Tambuwal ya kaddamar da rabon shinkafa da sauran kayayyaki ga gidaje sama da 30,000 dake fadin kananan hukumomi 23 na jihar.
Da yake kaddamar da rabon a Sokoto, Sanata Tambuwal ya nuna godiya ga Allah Madaukakin Sarki da ya sake ganin watan Azumin Ramadan tare da tabbatar da ganin an gudanar da Ramadan cikin kwanciyar hankali.
Ya jaddada mahimmancin tunani, karamci da addu’o’in ci gaba da lafiya da wadata.
Tambuwal wanda shi ne Sanata mai wakiltar Sokoto ta Kudu a jam’iyyar PDP ya ce wannan shiri na kara jaddada kudurin jam’iyyar na hadin kai, tausayi da goyon bayan al’umma a cikin wannan wata mai alfarma.
Ya yaba da jajircewar da jagororin jam’iyyar PDP a jihar Sakkwato suke yi, inda ya bayyana irin kokarin da suke yi na tsari, hada kai da kuma karfafa jam’iyyar.
Sanata Tambuwal ya jaddada kudirin sa na hadin kan jam’iyyar, inda ya bayyana aniyarsa ta dawo da aikinsu bayan zabukan da suka gabata.
Tsohon Gwamna Tambuwal ya kara yabawa ‘yan majalisar da aka zaba karkashin jam’iyyar PDP bisa jajircewarsu wajen yi wa mazabarsu hidima.
Ya yaba da yadda suke tafiyar da harkokinsu na gaskiya da kuma jagoranci na gaskiya, wanda ke nuna jajircewarsu na tabbatar da romon dimokuradiyya ga jama’arsu.
Ya kuma bukaci wadanda ke da alhakin rabon tallafin da su tabbatar da cewa tallafin ya isa ga wadanda suka amfana, kamar yadda aka tsara.
Tun da farko, shugaban jam’iyyar PDP na jihar, Bello Muhammad Goronyo, ya godewa Sanata Tambuwal bisa wannan karimcin da ya ce zai taimaka matuka wajen rage wahalhalun da ke tsakanin ‘ya’yan jam’iyyar a jihar.
Goronyo ya kara neman hadin kai a tsakanin ‘ya’yan jam’iyyar domin ganin an samu gagarumin rinjaye a zaben 2027 a dukkan matakai.
NASIR MALALI
উৎস: Radio Nigeria Kaduna Hausa
কীওয়ার্ড: Tambuwal jam iyyar PDP Tambuwal ya Tambuwal Ya
এছাড়াও পড়ুন:
NAJERIYA A YAU: Abubuwan Da ke Shirin Faruwa A Fagen Siyasar Najeriya
More Podcasts Najeriya a Yau Daga Laraba
Fagen siyasar Najeriya na ci gaba da ɗaukar salo iri-iri yayin da ’yan kasa da dama suka yi kasaƙe suna jiran girgiza ta gaba wadda wasu suke ganin tsohon Gwamnan Jihar Kaduna Malam Nasir El-Rufai, ya ɗiga mata ɗanba.
A baya-bayan nan dai an yi ta tsegunguma da rade-radi a kana bin da wasu jiga-jigan ’yan siyasar ƙasar nan, musamman ’yan adawa da ’ya’yan jam’iyya mai mulki waɗanda suke takun saƙa da Shugaba Bola Ahmed Tinubu suke ƙullawa
Yanzu ta fara wari, an ji Malam Nasiru ya bayar da sanarwar ficewarsa daga jam’iyyar APC da tsallakawa zuwa SDP.
NAJERIYA A YAU: Ladan Da Mai Aikin Ƙarfi Yake Samu A Lokacin Azumi DAGA LARABA: Yadda Zawarawa Suke Ɗanɗana Kuɗa A Watan RamadanaShin ko me zai biyo bayan wannan girgiza da tsallen baɗaken Malam Nasiru da dirarsa suka haifar?
Wannan ne batun da shirin Najeriya a Yau na wannan lokaci zai duba.
Domin sauke shirin, latsa nan
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma