Ko Barcelona Ta Kama Hanyar Lashe Gasar Laliga Ta Bana?
Published: 17th, March 2025 GMT
A daren ranar Lahadi Barcelona ta buga wasa mafi kayatarwa a wannan kakar wasanni ta bana bayan ta doke abokiyar karawarta Athletico Madrid duk da cewar Athletico din ta jefa kwallaye biyu a ragar Barcelona a minti 70 na wasan.
A kokarin da take yi na sake darewa kan teburin Laliga, Barcelona ta zura kwallaye 4 a cikin minti 20 domin komawa gida da maki uku, Lewondowski, Ferran Torres da Lamine Yamal ne su ka jefawa Barcelona kwallayenta.
Julian Alvarez na Athletico Madrid ya fara bude kasuwa a Wanda Metropolitano tun kafin zuwa hutun rabin lokaci, Alexander Sorloth ne ya kara ta biyu a minti na 70 da fara wasa lokacin da Conor Gallagher ya bashi kwallo cikin yadi na 18.
Barcelona na matsayi na daya da maki 60, inda suke da maki daya da Real Madrid dake matsayi na biyu, amma kuma Barcelona na da wasa daya a hannu wanda basu buga ba sakamakon mutuwar babban likitan kungiyar, Atletico ta ci gaba da zama a matsayi na uku akan teburin gasar Laliga.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppকীওয়ার্ড: Barcelona
এছাড়াও পড়ুন:
Trump Ya Dakatar Da Kafar Watsa Labarai Ta VOA
Sama da shekaru 80 kenan da kafa VOA wadda ke yada shirye-shiyenta cikin harsuna 40.
Shugaba Donald Trump na Amurka ya ba da umarnin dakatar da ayyukan wasu hukumomin ƙasar guda shida da rushe wasu baki daya, ciki har da kafar yaɗa labarai ta Voice of America wato VOA.
Sauran hukumomin sun hada da gidajen adana kayan tarihi da ɗakunan karatu da bangaren kula da marasa galihu da ke kwana kan tituna.
Daga ciki har da hukumar US Agency for Global Media wadda gidan rediyon Muryar Amurka wato VOA ke karkashinta da Radio Free Europe da Asia da Radio Marti wadda ke yaɗa labarai da Sifaniyanci a Cuba.
Haka kuma tuni Trump din ya soma daukar wasu matakai wadanda suka hada da soke kwantiragin da VOA din ke da shi na amfani da labaran kafafen watsa labarai masu zaman kansu daga ciki har da kamfanin dillancin labarai na Amurka wato AP.
Daraktan Muryar Amurka, Mike Abramowitz, ya ce an aike kusan dukkanin ma’aikatan hutun dole na sai baba ta gani.
Sannan kudaden da ake warewa wajen tafiyar da kafofin da ke karkashinta, irinsu Gidan Rediyon Turai da Asia da kuma Liberty an dakatar da su baki daya.
Babu dai wani takamaiman bayani daga gwamnatin Amurka kan me hakan ke nufi, sannan babu wanda zai iya fahimtar ko an rufe kafofin baki daya ke nan.
Tuni dai Shugaba Trump ya nada ’yar jarida Kari Lake a matsayin daraktar hukumar da za ta kula da rushe wadannan hukumomi, wadanda ya zarga da yada labaran nuna masa kiyayya.
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma