Ba tarbiyya nake koyarwa ba — Sadiq Sani Sadiq
Published: 19th, March 2025 GMT
Fitaccen jarumi a Masana’antar Kannywood Sadik Sani Sadik ya ce shi ba fadakarwa yake yi a fim ba, inda ya ce neman kuɗi kawai yake yi.
Jarumin ya bayyana haka ne a wata tattaunawa da Gidan Rediyon Freedom, inda a ciki yake cewa ba tarbiyya yake koyarwa ba, ballantana a ce yana bata tarbiyyar.
Sarakunan Kano su kimtsa wa hawan sallah bana — Abba Fubara ya magantu bayan ayyana dokar ta ɓaci a RibasA cewarsa, “Ni ban ce ina fadakarwa ba.
“Tarbiyya ana ba yaro daga gida ne, fadawarka kuma malamai ne ke yi. Ni ba mai fadakarwa ba ne. Ni mai neman kudi ne.
“Shi fim ba ya da yare, ba ya da addini, saboda haka ya danganta da yanayin da za ka gudanar da fim dinka.
“Idan danka ya kalli fim dina, tarbiyyarsa ta tabu, ba daga ni ba ne, daga kai ne. Idan ma danka bai kalli fim din Hausa ba, zai kalli na Indiya da wakokin Turawa da ake rungume-rungume.
“Ni kuma a fim din Hausa idan na taba hannun mace ya zama abin magana, ban isa ba wallahi.”
Game da mata sun fi maza samun kudi, sai ya ce, “Wasu matan sun fi wasu mazan kudi.
“Kudi ai sirri ne ba wai ka ga mutum ya hau motoci ko ya sanya gwala-gwalai ba ne.
“Ya danganta ne, wani idan yana da dubu daya sai ka gane, wani kuma yana da miliyan daya, amma ba za ka gane ba.”
উৎস: Aminiya
এছাড়াও পড়ুন:
Sudan ta kai karar Hadaddiyar Daular Larabawa a Kotun ICJ
Jakadan Sudan a Tehran, Abdul Aziz Hassan Saleh, ya tabbatar da cewa, za a gudanar da zaman farko na kotun kasa da kasa da ke birnin Hague a yau Alhamis, domin duba korafin da Sudan ta shigar kan kasar Hadaddiyar Daular Larabawa, kan rawar da take takawa a yakin da ake ci gaba da yi a kasar, da kuma goyon bayan da take baiwa mayakan sa kai na Rapid Support Forces, tana mai kallonta a matsayin wani bangare na haddasa rikicin da ke faruwa a Sudan.
A wani taron manema labarai da ya gudanar a wannan Laraba 9 ga watan Afrilu a ofishin jakadancin Sudan da ke Tehran, jakadan Sudan ya yi tsokaci kan laifukan da dakarun RSF suka aikata a jihar Khartoum, inda ya jaddada faruwar munanan laifuka kan fararen hula, da suka hada da kama mutane ba bisa ka’ida ba, da take hakkin fursunoni, da amfani da yunwa a matsayin makami, da kuma cin zarafin mata.
Jakadan ya yi nuni da cewa, ya zuwa yanzu sojojin Sudan sun kubutar da fursunoni kusan 4,700 da aka sace daga gidajensu, an tsare su ne cikin yanayi na rashin mutuntaka, inda gidajen yari ba su da ko da abubuwan more rayuwa.
Ya kara da cewa, “Rundunar RSF ba su bi ka’idojin shari’a ba wajen mu’amala da fursunoni, a maimakon haka, sun aikata munanan laifuka, har ma a kan kananan yara, ta hanyar yin garkuwa da su tilasta musu ficewa daga gidajensu har ma da karbar kudi daga hannunsu.
Ya kuma yi bayanin cewa har yanzu sojojin Sudan ba su samu damar shiga dukkan wuraren da dakarun RSF ke rike da fararen hula ba, inda ya ce an sace mata da ‘yan mata akalla 200 tare da kai su wuraren da ba a sani ba.
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma