Dakarun Qassam sun harba makami mai linzami a kan Tel Aviv
Published: 20th, March 2025 GMT
Dakarun Falasdinawa sun mayar da martani ga kisan kiyashin da Isra’ila ke yi wa fararen hula bayan sake dawo da yakin Isra’ila a kan al’ummar Gaza, inda suka harba rokoki zuwa Tel Aviv.
Al-Qassam Brigades, reshen soji na kungiyar gwagwarmayar Islama ta Hamas, ta sanar a wannan Alhamis cewa, ta yi ruwan makamai masu linzami samfurin M90 a kan birnin Tel Aviv, a matsayin mayar da martani ga kisan kiyashi da Haramtacciyar Kasar Isra’ila ke yi kan fararen hula a zirin Gaza.
Sojojin mamaya na Isra’ila sun tabbatar da cewa sun gano wasu rokoki guda uku da aka harba daga Gaza zuwa tsakiyar Falasdinu da suka mamaye, tare da jin karar makamai a sararin samniyar Tel Aviv, Gush Dan, da matsugunan yahudawa da ke kewaye.
Isra’ila bat a mutunta yarjejeniyar tsagaita bude wuta ba, kamar yadda ta yi fatali da mataki na biyu na yarjejeniyar , tare da sanya wasu sharudda da gangan domin matsin lamba a kan kungiyoyin gwagwarmayar Falasdinu.
Isra’ila Ta sake sabunta kai hare-hare a zirin Gaza, inda ta kai hari a wurare daban-daban na yankin tun daga kwanaki biyu zuwa uku da suka gabata har zuwa yau.
Hare-haren na Haramtacciyar Kasar Isra’ila sun yi sanadin shahadar daruruwan fararen hula, galibi mata da kanan yara, tare da jikkata wasu da dama .
Wakilin Al-Mayadeen ya tabbatar da cewa sojojin haramtacciyar kasar Isra’ila sun sake raba arewacin Gaza daga tsakiya da kuma kudancin yankin, inda suka sake kwace iko da yankin Netzarim.
উৎস: HausaTv
এছাড়াও পড়ুন:
Hamas ta ɗora alhakin harin da Isra’ila ta kai a kan Amurka
Ƙungiyar Hamas ta ɗora alhakin hare-haren da Isra’ila ta ƙaddamar yau Talata a Zirin Gaza kan Amurka.
A wata sabuwar sanarwa da Hamas ta fitar, ta ce Amurka ce ke da “alhakin kisan gillar” da aka yi a Gaza bayan da ta bayyana cewa Isra’ila ta shaida wa Amurka shirinta na kai hare-haren gabanin kai harin.
Majalisar Wakilai ta amince da ƙudirin dokar haraji Wike ya ƙwace filin Sakatariyar PDP da ke Abuja Isra’ila ta ƙaddamar da sabon hari a Zirin GazaSanarwar ta ce hakan ya “tona asirin ƙaryar da suke yi na iƙirarinsu kan damuwa da kawo ƙarshen yaƙin.
“Muna buƙatar ƙasashen duniya su ɗauki matakin gaggawa na kama masu aikata laifukan yaƙi da masu goya musu baya,” in ji Hamas.
A gefe guda kuma kafar yaɗa labarai da ke da alaƙa da Hamas, mai suna Filastin, ta ce an kashe jami’an gwamnatin Hamas huɗu a hare-haren Isra’ila.
Hazalika, shugaban hukumar lafiya da Hamas ke jagoranta, Munir al-Barsh ya ce mutane fiye da 660 aka jikkata a hare-haren, kuma wasu da dama na ƙarƙashin ɓaraguzai.
Majiyoyin kiwon lafiyar Gaza sun shaida wa gidan Talabijin na Al Jazeera cewa fiye da mutane 400 ne aka kashe, kuma mafi yawancinsu mata da ƙananan yara da kuma dattawa.
Harin wanda ke nuna kawo ƙarshen yarjejeniyar zaman lafiyar da aka ƙulla tsakanin Isra’ila da Hamas a watan Janairu, Isra’ila ta ce ta ƙaddamar da shi ne bayan da Hamas ta ƙi sako ragowar mutanen da ta yi garkuwa da su.
Wani jami’in Isra’ila ya shaida wa Kamfanin Dillancin Labaran Faransa AFP cewa, za su ci gaba ta kai hare-hare har sai sun kawar da shugabannin Hamas da gine-ginensu da kuma kayan aikinsu.
Fadar White House ta bakin sakatariyar yaɗa labaranta Karoline Leavitt, ta ce sai da Isra’ila ta sanar da ita, kafin ɗaukar matakin kai harin.
“Isra’ila ta sanar da gwamnatin Trump da fadar White House kan harin da suka kai Gaza a daren yau, kamar yadda shugaba Trump ya bayyana Hamas da Houthis da kuma Iran, da ke neman addabar Isra’ila har ma da Amurka, za su ɗanɗana kuɗarsu.”
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma