Gobarar daji ta kashe mutum 24 a Koriya ta Kudu
Published: 26th, March 2025 GMT
Aƙalla mutum 24 ne suka rasu a wata gobarar daji mai muni da ta auku a tarihin Koriya ta Kudu baya ga mummunar ɓarna da ta haddasa.
Mukaddashin shugaban ƙasar ya sanar a ranar Laraba cewa wutar dajin ta rabu kashi daban-daban har fiye da goma tun ƙarshen mako, inda ta laƙume wasu yankunan kudu maso gabashin kasar.
Har ila yau, ta kuma tilasta wa kusan mutum 27,000 ƙaurar gaggawa bayan ta datse tituna da kuma na’urorin sadarwa kamar yadda mazauna yankunan da ke neman tsira da rayukansu suka sanar.
Wani jami’in Ma’aikatar Kare Mutane ya shaida wa kamfanin dillancin labarai na AFP cewa mutum 18 ne suka gamu da ajalinsu sakamakon wutar dajin baya ga waɗanda suka jikkata.
Sai dai daga bisani kafofin watsa labarai ciki har da BBC da CNN sun ruwaito cewa adadin waɗanda suka rasu ya kai 24 a dalilin gobarar.
A wani batun da ya shafi ƙoƙarin kashe wutar kuma wani jirgin sojin Koriya ta Kudun mai saukar ungulu ya faɗi da safiyar nan inda matuƙinsa ya rasu a ƙoƙarin dakile gobarar mai haddasa barna.
Alƙaluman da muhukunta suka fitar sun nuna cewa kimanin mutum 26 ne suka jikkata a dalilin gobarar dajin wadda ta ɗaiɗaita wani wurin bauta mai tsohon tarihi na mabiya addinin Buddha da ake kira Gounsa da ke yankin Uiseong.
Wani mutum tsaye yana kallon yadda gobarar dajin ta ɗaiɗaita wani wurin bauta mai tsohon tarihi na mabiya addinin Buddha da ake kira Gounsa da ke yankin Uiseong.
উৎস: Aminiya
কীওয়ার্ড: Koriya ta Kudu wutar daji
এছাড়াও পড়ুন:
Ta Ya Ake Gudanar Da Nagartacciyar Rayuwa?
Masu wannan fahimta sun yi imanin cewa duk lokacin da mutum ya ji baya son wani abu to a wurinshi wannan abin ba mai kyau ba ne. Haka nan kuma duk lokacin da mutum ya ji cewa ga wani abu amma shi ne ya kwanta mashi, toh wannan abin shi ne mai kyau.
Babban misalin da wadannan masu ra’ayi suke jaddadawa da nanatawa a kullum shi ne cewa a lokacin da mutum ya yi tsammanin cewa wani abu na da kyau a ra’ayinshi, to idan ya je cikin wata al’ummar zai tarar da cewa wannan abin barna ko wani abin ki. Misali da shan giya, caca da sauransu.
Da irin wannan nazari ne aka samar da mafi shaharan nazariyyar nan ta NIHILISM, wanda ya zo da wasu ‘yan sauye-suye. Fahimtar ta Nihilism ta ce, sam babu wata doka da za ta iya bambancewa tsakanin abu mai kyau da mara kyau. Don haka ta hanyar ra’ayi da mahangar mutum ne kawai zai iya bambancewa tsakanin mai kyau da marar kyau.
Masu fahimta irin ta Nihilism sun tafi a kan cewa, dabi’ar mutum da yanayin mu’amalarsa da mutane ne kadai za ta iya ayyana nagartacciyar rayuwa ya ke yi ko akasinta. sannan kuma zantukan yabo ko zagi daga makusantan mutum su ma za su iya fayyace irin rayuwar da ya ke yi, ma’ana, abubuwan da suke fadi a kan shi.
Kowanne mutum yana dauke da wasu nauyayen abubuwa na irin dabi’un da ya kamata ya nunawa makusantanshi. Misali da akwai hakkoki na dabi’a da su ka wajaba akan shi wadanda da su ne zai mu’amalanci iyayensa. Haka nan shugaba akwai dabi’o’in da su ya kamata ya mu’amalanci mutanen da ya ke shugabanta.
Bayan samuwar wannan fanni na Nihilism, wanda shi ma ya zo da gudummawarsa dangane da yadda mutum zai gabatar da nagartacciyar rayuwa, sai masanin falsafa Plato ya bulla da sabon nazari wanda kaitsaye ya ke kalubalantar tushen nazariyyar Nihilism din. nazarin na shi ne ya yi kaurin suna har a ke yi masa lakabi da PLATONISM.
Plato cewa ya yi bayani kan wata babbar hanya da mutum zai bi ya gudanar da nagartacciyar rayuwa, inda a takaice ya ce, ‘Mutum ya nemi ilmi’. Ya ci gaba da cewa, a dai dai lokacin da mutum ya samu ilmi ya fahimci me ake nufi da nagartacciyar rayuwa, lallai babu wani abu da zai hana shi bin wannan hanya.
Plato ya ce aikata alfasha da masha’a duk suna aukuwa ne saboda karancin ilmin mai aikata su. Idan mutum ya fahimci ga gaskiya, ita zai bi domin gudanar da nagartacciyar rayuwa.
An zargi wannan nazarin da cewa, ta ya ya mutanen da ke da mabanbantan fahimta za su iya yin ilmin da za su yi nagartacciyar rayuwa? Sai ya ci gaba da bayanin cewa mutum duk ilminsa ba zai iya gano yadda ya kamata ya yi rayuwa ta gari ba, har sai ya samu horo na musamman dangane da abin da ake nufi da abu mai kyau da mara kyau.
Mutumin kuma da bai da kwakwalwar da za ta iya fahimtar karatu sai ya rika koyi da wadanda su ke da ilmi da horon gudanar da rayuwa mai kyau.
Plato ya ce, lura da tarbiyyar yara tana da muhimmanci wurin basu horo da ilmi, wanda kuma hakan zai sa su samu halayen kwarai da dattako. Yana da kyau al’umma ta yi kokarin ganin cewa wadanda ke mulkarsu (shugabanni) mutane ne masana, masu halin dattako da natsuwa da zurfin ilmi.
Lokacin da nazariyyar Platonism ta bayyana ta zama tamkar kishiya ga Nihilism. Domin kai tsaye nazarin ya yi dirar mikiya ne akan Nihilism da ra’ayoyinsa. kuma wannan tunani na Platonism ya samu karbuwa dari bisa dari a falsafar addinai. Sai dai wasu ‘yan bambance-bambance da ba za a rasa ba, da kuma gyare-gyare.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma