Gidauniyar Daily Trust da WRAPA sun ’yanta fursunoni 21 a Kaduna da Katsina
Published: 26th, March 2025 GMT
Gidauniyar Daily Trust (DTF) tare da haɗin gwiwar ƙungiyar WRAPA, Hamu Legal, da Bahama Chambers, sun biya tarar fursunoni 21 domin su samu damar fita daga gidajen gyaran hali a Jihohin Kaduna da Katsina.
A Kaduna, an ’yanta mutum 17 bayan da DTF da abokan aikinta suka biya tarar su har Naira miliyan biyu da dubu dari biyu.
Laifuffukan da aka yanke musu hukunci sun haɗa da sata, shiga da karɓar kayan sata.
Da yake jawabi ga waɗanda aka fitar, Daraktan Gidauniyar Daily Trust, Dokta Theophilus Abbah, ya ce manufar shirin shi ne rage cunkoson fursunoni da kuma bai wa waɗanda suka aikata ƙananan laifuka damar gyara rayuwarsu.
Ya kuma yi kira a gare su da su koma cikin al’umma su rayu cikin gaskiya da riƙon amana.
Jami’in shirin WRAPA, Paul Adama, ya tabbatar da cewa za su ci gaba da bayar da tallafi a ɓangaren shari’a domin ganin irin wannan aiki ya ci gaba da gudana.
A Jihar Katsina kuwa, an ‘yanta fursunoni huɗu cikin haɗin gwiwa tsakanin WRAPA da DTF.
Ɗaya daga cikinsu wani matashi ne daga Batsari wanda ya rasa iyayensa a harin ’yan bindiga kuma aka kama shi da laifin satar Naira 60,000.
Ya ka sa biyan tarar Naira 10,000 da diyyar Naira 60,000 har sai da Gidauniyar Daily Trust ta biya masa.
Mataimakin Konturola na Katsina, Lawal Talle, ya jinjina wa Gidauniyar Daily Trust da abokan haɗin gwiwarta bisa wannan taimako.
Sai dai kuma ya gargaɗi waɗanda aka ’yanta da su guji komawa aikata laifuka.
উৎস: Aminiya
কীওয়ার্ড: yanci gidauniya Gidauniyar Daily Trust
এছাড়াও পড়ুন:
Alkaluman Tattalin Arzikin Sin Sun Shaida Dorewar Ingancin Tattalin Arzikinta
Ban da wannan kuma, alkaluman PMI wato masu bayyana yanayin sayayya da ake ciki ta fuskar sana’o’in samar da kayayyaki a watan Maris ya samu karuwa cikin watanni 2 a jere, matakin da ya bayyana bukatun kasuwanni na kara samun kyautatuwa. Har ila yau, Sin ta kafa cikakken tsarin sana’o’i, da ingantattun manufofin dake da nasaba da su bayan kokarin da take yi a shekaru da dama, matakin da ya aza tubali mai inganci ga bunkasuwar tattalin arzikinta.
Bayan ga batun dorewa, Sin ta bayyana kuzarinta mai karfi a fannin samun bunkasuwa. A cikin shekarun baya-bayan nan, Sin ta sauya salon tattalin arzikinta daga matakin dogaro da zuba jari, da fitar da kaya waje, zuwa habaka bukatun cikin gida da gaggauta kirkire-kirkire tare. A shekaru 5 da suka gabata, bukatun cikin gida ya taka rawa da yawansa ya haura kashi 80 cikin dari ga bunkasuwar tattalin arzikinta. Alkaluman farkon watanni ukun bana, sun bayyana wannan sauyi da Sin take samu.
Yanayin bunkasuwar tattalin arzikin Sin mai karko da inganci a dogon lokaci ba zai canja ba duk da matsin lamba, da matakin karin harajin kwastam da Amurka ke kakabawa sauran sassa ke kawo mata a gajeren lokaci. Sin tana da kwarin gwiwa, da cikakken karfi tinkarar kalubaloli daga waje, da cimma muradunta na samun bunkasuwa bisa ingantattun manufofin gwamnatinta daga manyan fannoni. (Amina Xu)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma