Kamfanonin Sin Za Su Samar Da Hidimomin Kyautata Amfani Da Makamashi Mai Tsafta A Afirka Ta Kudu
Published: 27th, March 2025 GMT
Kamfanin Hisense South Africa, da kamfanin CNBM, sun sanya hannu kan wata yarjejeniyar hadin gwiwa bisa matsayin koli, ta gudanar da aikin samar da hidimomin kyautata amfani da makamashi mai tsafta a Afirka ta kudu.
Kamfanonin biyu sun rattaba hannu kan yarjejeniyar ne a jiya Talata, a birnin Johannesburg, yayin bikin baje hajojin da suka shafi sabbin makamashi, daya daga baje koli mafi girma da ake gudanarwa a nahiyar Afirka a fannin makamashi mai tsafta, wanda ke gudana yanzu haka a birnin.
Bayan sanya hannu kan yarjejeniyar, babbar manajan sashen lura da hadin gwiwar kamfanin CNBM a kasashen ketare Jiang Fei, ta shaidawa kamfanin dillancin labarai na kasar Sin Xinhua cewa, sabon hadin gwiwar zai taimakawa Afirka ta kudu, da ikon cin gajiyar isasshen makamashi.
Jiang Fei ta kara da cewa, kamfanin Hisense South Africa da CNBM, za su samarwa ‘yan kasar mitoci irin na zamani, da wuraren caji, da ma’ajiyar makamashi da sauran hidimomi na zamani, wadanda za su baiwa Afirka ta kudu damar sauya alaka zuwa amfani da makamashi mai tsafta. (Mai fassara: Saminu Alhassan)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppএছাড়াও পড়ুন:
An Yi Kira Ga Jihohi Da Su Kara Samar Da Ingantacciyar Hanyar Kiyon Lafiya
An bukaci gwamnatocin jihohi da su kara samar da tsarin kula da kiwon lafiya na bai daya (UHC) ga ‘yan kasa domin tabbatar da samar da ingantaccen kiwon lafiya a kasar.
Jami’ar Ayyuka, Kula da Lafiya ta Duniya ga Mata a Lafiya ta Duniya, Najeriya (WGH), Dokta Sienne Oluwatosin Orogun, ta yi wannan kiran a wani taro mai taken “Amfani da Dabaru da Tsarin Gida don Haɓaka Tsarin Kiwon Lafiyar Duniya” a Ilorin, jihar Kwara.
A cewarta akwai tsare-tsare da aka tsara don samar da inshorar lafiya mai araha ga masu rauni a cikin al’umma, ta kara da cewa aiwatar da ingantaccen aiki ya kasance kalubale.
Tun da farko a nata jawabin, kwamishiniyar lafiya ta jihar Kwara, Dokta Amina El-Imam, ta jaddada cewa hukumar kula da lafiya ta duniya (UHC) ita ce manufar tabbatar da cewa dukkan mutane sun samu cikakkiyar kulawar kiwon lafiya da suke bukata ba tare da fuskantar matsalar kudi ba.
Dokta El-Imam ya nuna damuwarsa kan kalubale kamar matsalolin kudade da karancin ma’aikata.
Ta ci gaba da cewa gwamnatin jihar na kokarin ganin an cimma kashi 15 cikin 100 na kasafin kudin jihar a fannin kiwon lafiya, da inganta iya aiki da kuma rike hannun mafi kyawu a cikin bukatun duniya.
COV/ALI MUHAMMAD RABIU
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma