Miliyoyin ‘Yahudawa Sun Gudu Neman Mafaka Saboda Makamin Mai Linzami Daga Yemen
Published: 27th, March 2025 GMT
Jiniyar gargadi ta kada a cikin sassa masu yawa na Falasdinu dake karkashin mamaya bayan harbo makami mai linzami da mutanen Yemen su ka yi.
Kafafen watsa labarun HKI sun ce, jiniyar gargadin ta kada a cikin garuruwa 255 a HKI daga cikin har da birnin Kudus.
Jaridar “Yediot Ahronot” ta buga labarin dake cewa, wasu barguzan makami mai linzamin sun fada a unguwar “Mifo Hurun”.
Har ila yau harba makami mai linzamin daga Yemen ya sa an dakatar da zirga-zirgar jirage a filin saukar jiragen sama na “Ben Gorion”.
Jaridar “Yesrael Home” ta ce miliyoyin mutane ne su ka shiga dakunan boya saboda kaucewa makami mai linzamin da aka harbo daga Yemen.
A jiya Laraba Sayyid Abdulmalik al-Husi, jagoran kungiyar Ansarullah ya yi alkawalin ci gaba da kai wa HKI hare-hare har zuwa lokacin da za a kawo karshen kai wa Gaza hari, da kuma dauke takunkumin hana shigar da kayan agaji zuwa yankin.
Sayyid Abdulmalik Husi ya kuma kara da cewa, al’ummar Yemen za su ci gaba da yin duk abinda ya dace a kowane mataki domin taimaka wa al’ummar Falasdinu, ta hanyar kai wa HKI hari.
Tun a cikin watan Nuwamba na 2023 ne dai al’ummar Yemen su ka fara kai wa HKI hari a matsayin taya Falasdinawa fada, haka nan kuma sun hana duk wani jirgin ruwa mai zuwa HKI wucewa ta tekun “Red Sea”.
A gefe daya, Amurka da Birtaniya suna ci gaba da kai wa Yemen hare-hare a karkashin kare HKI da suke yi.
উৎস: HausaTv
এছাড়াও পড়ুন:
Ma’aikatar Lafiya Ta Yemen Ta Sanar Da Yawan Mutanen Da Suka Yi Shahada A Hare-Haren Amurka Kan Kasar
Wasu mutane sun yi shahida tare da jikkata sakamakon hare-haren wuce gona da iri da Amurka ta kai kan kasar Yemen
Ma’aikatar lafiya ta kasar Yemen ta sanar a yammacin jiya Asabar cewa: An kashe mutane uku tare da jikkata wasu da dama a hare-haren da jiragen yakin kawancen da Amurka ke jagoranta suka kai a biranen Sana’a, Amran da Ma’arib.
Ma’aikatar ta lafiya ta kara da cewa: ‘Yan kasar Yemen 7 ne suka jikkata sakamakon harin wuce gona da irin da Amurka ta kai kan unguwar Al-Nahda da ke gundumar Al-Thawra, sannan wani dan kasar ya jikkata a gundumar Al-Safiyah sakamakon wani hari da aka kai a makabartar Majel Al-Dama da ke babban birnin kasar, kuma ta yi nuni da cewa “dan kasa daya ya yi shahada yayin da wani kuma ya samu rauni sakamakon harin wuce gona da iri da gwamnatin Amurka ta kai a gundumar Matar’a a gundumar Safiya.”
A yammacin ranar Asabar ne dai dakarun Amurka suka kaddamar da wasu hare-hare ta sama a babban birnin kasar Sana’a fadar mulkin kasar. Sannan jiragen saman Amurka sun kai hari kan unguwar Al-Nahda da ke gundumar Al-Thawra tare da kai wasu hare-hare kan wasu yankuna.
Hakazalika, sojojin Amurka sun kai hari kan makabartar Majil Ad-Dama da ke gundumar As-Safiyah, lamarin da ya yi sanadin jikkata wani dan kasar Yemen. Hakazalika jiragen makiya sun kai hare-hare 4 a yankin Al-Hafa, hari guda daya a kan makabartar Al-Najimat da ke gundumar As-Sab’een, da hari guda 5 da suka kai kan filin shakatawa na 21 ga Satumba a gundumar Ath-Thawra.
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma