Rikici Ya Turnuke Jam’iyyar SDP A Yayin Da Aka Samu Shugabanni Bangare Biyu A Kogi
Published: 29th, March 2025 GMT
Rikicikin ya turnuke jam’iyyar SDP a yayin da aka samu shugabanni bangare biyu a Jihar Kogi, rikicin ya kunno kai ne bayan da wani bangare ya kaddamar da kwamitin gudanarwa a Lakwaja.
Taron da aka gudanar a sakateriyar jam’iyyar na jihar, an zabi tsohon shugaban sashi na APC, Hon. Ahmed Attah a matsayin sabon shubagaba, tare da Alhaji Idris Sofada a matsayin sabon sakatare na jam’iyyar a jihar.
Wakilai 3,890 ne daga kananan hukumomi 21 na jihar suka zabi shugabanni 21 na jam’iyyar. Sannan kuma jami’an hukumar zabe mai zaman kanta ta kasa (INEC) sun kasance a wannan wuri lokacin zaben.
A jawabinsa na farko, Attag ya yi alkawarin zai yi gaskiya da adalci tare da daga martabar jam’iyyar SDP don samun nasara a zabe a gaba.
Ya yaba wa jami’an INEC da kwamitin shirya zaben da kuma jami’an tsaro wurin tabbatar da nasarar wannan taron. Ya ce wannan ya nuna yadda SDP za ta yi nasara a zaben gwamna a 2028.
Sai dai kuma wani bangare da Moses Peter Oricha yake jagoranta ya yi watsi da zaben, inda ya bayyana shi a matsayin wanda bai inganta ba.
Oricha, wanda shugabancinsa zai kare a watan Afrilun 2026, ya zargi masu shirya zaben da karya doka da kuma kin bin hukuncin kotu kan wannan lamari.
“An sanar da ni cewa wasu mutane da suke kiran kansu ‘ya’yan SDP ne sun shirya babban taron jam’iyyar a jihar. Wannan abun dariya ne kuma babban laifi ne. Wadannan mutane ana daukar nauyinsu ne domin su kawo rudani a cikin jam’iyyarmu,” in ji Oricha.
Ya bukaci mutane da hukumomin tsaro da INEC su yi watsi da taron, sannan kuma ya dauke shi a matsayin wani kokari na tarwatsa jam’iyyar.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsAppএছাড়াও পড়ুন:
Gwamna Umar Namadi Ya Dauki Matakan Kai Jihar Jigawa Babban Matsayi
A cikin dan kankanin lokacin da wannan hukuma ta fara aiki, ta horar da matasa sama da 100,000 horo kan shirye-shiryen koyon sana’o’i daban-daban a fannonin noma, ICT, kananan sana’o’i da dai sauran su, gwamnatin jihar ta bayar da tallafi da jarin sama da Naira biliyan 1.7 ga wadannan matasa domin fara sana’o’i. Har ila yau, ya saukaka wa wadannan matasa rayuwa sa suka cancanta a cikin jihohi da tarayya.
Jihar jigawa jiha ce mai girma ta kuma yi fice a fannin noma a kokarin gwamnati na inganta rayuwar al’umma ta hanyar sabbin manufofin noma da ya zama abin a yaba.
Domin tabbatar da samar da wadataccen kayan aikin noma akai-akai, gwamnatin jihar ta zuba Naira biliyan 5 ga kamfanin samar da aikin gona na Jihar Jigawa (JASCO).
Haka zalika, Gwamnatin Namadi ta samar da sabbin tsare-tsare a fannin noma ta hanyar inganta tsarin samar da shinkafa, alkama, sesame da hibiscus domin bunkasa yankunan jihar.
A tsawon lokacin da ake bitar, jihar ta sayi tan 9,200 na taki, tarakta 60, tare da motocin girbi 10 gami da samar da fili mai fadin hekta 40,000 don shirin noman alkama wanda ya zama hadin gwiwa ne da gwamnatin tarayya.
Gwamnatin jihar ta kuma rattaba hannu kan yarjejeniyar fahimtar juna MOU da Bankin Duniya, Bankin Raya Afirka da Bankin Raya Musulunci a fannin noma da dai sauransu.
Haka kuma ayyukan da gwamnatin Namadi ta yi a fannin ilimi ba boyayye ba ne.
Shi ne Gwamna daya tilo a Nijeriya da ya zarce shawarar da UNESCO ta bayar na samar da kaso 25 a kasafin kudi ta fannin ilimi, wanda wannan shi ne karon farko da aka samu a tarinhin Jihar Jigawa da watakila a Arewacin Nijeriya.
Sannan Gwamna Namadi ya ware kashi 32 na kasafin kudi wa fannin ilimi, wanda ba kasafai ake samu ba a Nijeriya. Ya kara wa dalibai tallafin karatu da kashi 100 yayin da ya kara kudin ciyar da dalibai da kashi 40 cikin 100.
Har ila yau, gwamnatinsa ta dauki dalibai 150 da suka kammala karatun digiri na farko a jihar a matsayin malamai a manyan makarantun jihar yayin da aka bai wa malamai 3,570 aikin yi a makarantun firamare da sakandare a fadin jihar ta hanyar shirin J-Teach. haka kuma gwamnati ta gina manyan makarantun sakandare a jihar .
Domin magance matsalar yara da ba sa zuwa makaranta, gwamnatin ta bullo da sabbin makarantu na Mega Tsangaya tare da cibiyoyin ilimi da fasaha na yammacin Turai don magance wannan matsalar.
Jihar ta kuma hada gwiwa da hukumar bunkasa fasahar sadarwa ta Nijeriya NITDA, domin horo gami da zurfafa ilimin malaman Jigawa da basu kwarewa ta fasahar sadarwa ICT saboda bunkasa fasaharsu ta koyarwa.
Bugu da kari, a fannin lafiya an samu sauye-sauye da dama a wannan bangare da ya shafi ma’aikatan lafiya a jihar inda aka fitar da Naira biliyan 17.2 domin kammala ayyukan asibitoci daban-daban a fadin jihar.
Gwamnatin ta kuma fitar da asusun kula da lafiya na Naira biliyan 1.2 domin kafa tsarin kiwon lafiya na Inshora ga gidaje sama da 140,000 tare da mutane 500 da suka cancanta a dukkan gundumomi 287 da ke fadin jihar.
Gwamnatin jihar ta shirya gina Cibiyar Kula da Lafiya a Matakin Farko a kowace Unguwa da kuma Babban Asibiti daya a kowace mazaba.
Gwamna Namadi ya kuma jajirce wajen tunkarar kalubalen da talakawa da marasa galihu ke fuskanta a cikin al’umma. Ya sanya an gudanar da kidayar gidajen marayu, nakasassu, tsofaffi da sauran su domin taimaka musu, sannan ya kara alawus din Tsaron Jama’a daga Naira 7000 zuwa 10,000.
Wani bangare na rangadin da Gwamnan ya fara a duk fadin yankin mazabu shi ne, jin ta bakin talakawa kai tsaye domin samar da mafita mai dorewa ga marasa galihu a cikin al’ummarmu.
Haka kuma gwamna ya sake samar da wasu tsare-tsare a fannin lafiya domin saukaka wa majinyata masu fama da cutuka masu tsanani kamar su ciwon koda, ciwon daji da kuma hanta a jihar ta hanyar biyan kudaden majinyatan da suka jima da larurar domin ganin sun warke daga cutar.
A kasa da shekaru biyu, Gwamna Namadi ya nuna kwarewa, iya aiki da kuma jajircewa wajen inganta rayuwar al’ummar jihar kuma sakamakon hakan ne yake ta samun lambobin yabo na karramawa a fadin kasar nan.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma