Femi Falana SAN Ya Yi Kiran A Inganta Harkar Shari’a A Najeriya
Published: 10th, April 2025 GMT
Lauyan kare hakkin bil’adama Femi Falana SAN ya yabawa jihar Kano bisa yadda take tafiyar da harkokin shari’a.
Falana ya bayyana hakan ne a yayin wani taron karawa juna sani ga masu gabatar da kara kan ingancin gudanar da shari’ar laifuka da Kurawa Hussein And Associates tare da hadin giwar Ma’aikatar Shari’a ta Kano suka shirya, wanda aka gudanar a otal din Bristol Kano.
Falana ya yabawa jihar Kano bisa amincewa da dokar hukumar kula da laifuka ta FIDRA a shekarar 2019 tare da zama jiha ta farko da ta soke tuhumar da jami’an ‘yan sanda ke yi na aikata laifuka.
Ya kuma jaddada bukatar masu gabatar da kara su samar da na’urori na zamani da horarwa masu inganci don bunkasa ayyukansu.
Falana ya kuma jaddada mahimmancin inganta yanayin aiki ga masu gabatar da kara don ba su damar mai da hankali kan ayyukansu.
Kungiyar kare hakkin dan Adam ta bayyana irin kalubalen da talakawa ke fuskanta wajen samun adalci, inda ta bayyana yanayin tattalin arziki da kuma bukatar gwamnati ta shiga tsakani.
Falana ya ba da shawarar cewa a baiwa ofishin kare hakkin jama’a ikon taimakawa talakawa, tare da kasancewa a kowace karamar hukuma.
“Hakan zai baiwa talakawa damar samun adalci da kuma samun lauyoyin da za su gudanar da shari’o’insu, inda ya ba da misali da hukumar ba da agajin lauya ta kasa (Legal Aid Council) wacce ke da ofisoshi a dukkan jihohin kasar nan 36.
Falana ya kuma jaddada mahimmancin kare hakkin wadanda ake tuhuma da kuma karfafa amincewa da tsarin shari’a.
Ya kara da cewa wadanda ake tuhuma suna da ‘yancin neman a ba su lauya, kuma dole ne ‘yan sanda su tuntubi hukumar bayar da agaji ta Legal Aid don samar da lauya. Ya kuma bukaci kafafen yada labarai da su taka rawa wajen wayar da kan jama’a, game da hakkokinsu a karkashin doka.
Femi Falana SAN ya yi kira ga kafafen yada labarai da su rika wayar da kan jama’a domin su sanar da jama’a hakkinsu a karkashin doka.
Cover /Abdullahi jalaluddeen/Kano
উৎস: Radio Nigeria Kaduna Hausa
কীওয়ার্ড: Shari a kare hakkin
এছাড়াও পড়ুন:
An kashe mutum kan zargin satar kare a Bauchi
Rundunar ’yan sandan Jihar Bauchi ta ce, tana gudanar da bincike kan wani dukan kawo wuƙa da wasu matasa suka yi wa waɗansu mutane su biyu da ake zargi da satar kare a unguwar Lushi da ke cikin garin Bauchi.
Dukan da ya yi sanadin rasa ran ɗaya daga cikinsu mai suna Peter.
Jami’in hulɗa da jama’a na rundunar ’yan sandan jihar, CSP Mohammed Ahmed Wakil, ya sanar da haka ga manema labarai a Bauchi, ya bayyana cewa lamarin ya faru ne a ranar Larabar da ta gabata kan wani mutum mai suna Peter a ranar 9 ga Afrilu, 2025, da misalin ƙarfe 11:30 na dare.
An gano gawar makiyayi da ƙwato shanu a Filato An saki fasto an kuma tsare wanda ya kai kuɗin fansaWakil ya ce waɗanda ake zargi Dokagk Danladi mai shekara 38 da kuma Peter matasan sun musu duka ne sakamakon zargin da ake musu.
Ya ce, “Dokagk ya samu munanan raunuka da suka haɗa da raunukan sara da adda a kansa, kuma tuni aka kai shi Asibitin Koyarwa na Jami’ar Abubakar Tafawa Balewa (ATBUTH) da ke Bauchi domin kula da lafiyarsa, an gano abokin nasa Peter, wanda har yanzu ba a san sunan babansa ba, a wurin da lamarin ya faru, abin takaici ma’aikatan lafiya sun bayyana cewa shi peter ya mutu.”
A halin yanzu ana gudanar da bincike. Rundunar tana aiki tuƙuru don ganin an gudanar da cikakken bincike kan wannan lamari, tare da maida hankali wajen zaƙulo duk waɗanda ke da hannu a lamarin.
Wakil ya ce babban Jami’in ’yan sanda da ke kula da shiyyar Yalwa (DPO) yana jagorantar tawagar masu binciken waɗanda suka ziyarci wurin da laifin da ya faru don tattara shaida da samun cikakken bayanai kan lamarin .
Kakakin rundunar ’yan sandan ya ce, Kwamishinan ’yan sandan, Sani-Omolori Aliyu ya bayyana wannan aika-aika a matsayin “wata ɓarna da kuma illa ga tsarin dokokin ƙasarmu”.
“Ya kuma gargaɗi ’yan asalin Jihar Bauchi cewa, a ƙarƙashin shugabancinsa rundunar ba za ta lamunci duk wani mutum da ke ɗaukar doka a hannunsu ta hanyar cutar da waɗanda ake zargi da aikata laifukan da suka saɓa wa doka ba.
“Ya ƙara jaddada cewa, babu wani mutum da ke da hurumin mu’amala da wanda ake tuhuma ta hanyar da ba ta dace ba, kuma hakan ba daidai ba ne ga kowa ya ɗauki nauyin aiwatar da doka. Ya kamata a gaggauta miƙa waɗanda ake zargi da aikata laifin da ake tuhuma ga ‘yan sanda ko hukumomin da abin ya shafa da ke da alhakin bincike da gurfanar da su a gaban kotu.”
Kwamishinan ya yi kira ga jama’a da su kwantar da hankalinsu yayin da ake ci gaba da bincike.
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma