Trump ya janye harajin da ya kara wa duniya, amma ya laftawa China 125%
Published: 10th, April 2025 GMT
Shugaban Amurka Donald Trump ya dakatar da haraje-harajen da ya lafta kan kayayyakin da ke shiga kasar daga kasashen duniya, sai dai ya kara harajin da kashi 125 ga kasar China.
A wani bayani da ya wallafa a shafinsa na sada zumunta, Shugaba Trump ya ce za a rage haraje-harajen zuwa kashi 10%, sai dai za a kara wanda aka lafta kan kayan China zuwa kashi 125%.
Donald Trump ya kuma zargi China da nuna rashin girmamawa da kuma zaluntar Amurka.
Kafin haka, China ta sanar da kara haraji kan kayan Amurka da ake shiga da su kasarta zuwa kashi 84% – inda Chinar ta zargi Amurka da barazana kan kasashen duniya.
Matakin na zuwa ne jim kadan bayan da Beijing ta mayar da martani ga karin harajin da Washington ta yi a baya
Trump ya kuma yi nuni da cewa, ba kamar China ba, “wadannan kasashen, bisa ga kwakkwarar shawarata, ba su mayar da martani ta kowace hanya, ko siffa, a kan Amurka ba.”
Kazalika, jami’an Amurka sun bayyana a wannan rana cewa, yanzu kasashe ko kungiyoyin kasa da kasa fiye da 50 sun riga sun tuntubi Amurka kan matakin nata na harajin kwastam.
Wannan lamarin ya shafi kasashe 70 na duniya, wani abu da ya haddasa barkewar rikicin kasuwanci tsakanin Amurkar da kasashe da dama, musamman manyan kasashen da take huldar kasuwanci da su, kamar China da kuma kasashen Tarayyar Turai.
Su ma kasashen Tarayyar Turai sun lafta harajin kashi 25 cikin dari kan kayan da Amurka da ake shiga da su yankin.
উৎস: HausaTv
এছাড়াও পড়ুন:
Daidaitaccen Tunanin Sin Shi Ne Dabarar Fuskantar Da “Haukar Amurka”
Tun daga farkon bana zuwa yanzu, sau da dama kasar Sin ta mai da martani kan matakai na rashin adalci da kasar Amurka ta dauka, domin tana da karfin fuskantar da kalubaloli tare da kiyaye bunkasuwar tattalin arzikin kasar yadda ya kamata, sakamakon bunkasuwar manyan kasuwannin cikin kasa, da manufofin da gwamnatin kasar ta fidda wajen kare karfin tattalin arziki da cinikayya.
Kwanan baya, manyan jami’an kasar Sin sun yi shawarwari da takwarorinsu na kungiyar tarayyar kasashen Turai (EU) da na kungiyar tarayyar kasashen dake kudu maso gabashin nahiyar Asiya (ASEAN), inda suka bayyana cewa, kasar Sin za ta ci gaba da kara bude kofa ga waje. Masanan kasa da kasa suna ganin cewa, kasar Sin ita ce kasa mai ba da tabbaci ga bunkasuwar tattalin arzikin duniya, idan aka kwatanta da kasar Amurka wadda ta sha fitar da manufofi na rashin hankali. (Mai Fassara: Maryam Yang)
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma