Kisan malami: Shugabannin Kiristocin Kudancin Kaduna sun yi Allah-wadai
Published: 7th, March 2025 GMT
Ƙungiyar Shugabannin Kiristoci ta Kudancin Kaduna (SKCLA) ta yi tofin Allah tsine da kashe Rabaran Fada Sylɓester Okechukwu na Gundumar Katolika da ke Kafanchan, inda ta jingina haka ga taɓarɓarewar harkokin tsaro a yankin.
A cikin wata sanarwa da Shugaban SKCLA, Dakta Emmanuel Nuhu Kure ya fitar a ranar Jumma’a ya miƙa ta’aziyyarsu ga Gundumar Katolika ta Kafanchan, tare da yin kira ga hukumomin tsaro da su ɗauki matakin gaggawa a kan lamarin.
“Wannan mummunar aiki babbar asara ce ga Coci da matuƙar tayar da hankali da damuwa game da ci gaba da kai hare-hare ga shugabannin Kiristoci a Kudancin Kaduna,” in ji Kure.
Inda ya koka da yawan kashe-kashen shugabannin addinin Kirista da suka yawaita, inda ya yi gargaɗin cewa ci gaba da kai wa malaman addini hari na iya ɗaukar wata ma’ana da ka iya rusa zaman lafiya a jihar. “Wataƙila ‘yan ta’adda masu aikata laifi ne ke aikata hakan, amma me ya sa ake kai wa ma’aikatan cocin hari su kaɗai?” inji shi.
SKCLA ta yi kira ga hukumomi da su tabbatar da anyi adalci ga malamin da aka kashe, tare da kiran mazauna yankin da su kasance masu sa ido game da abin da ya shafi tsaro sannan su riƙa sanar da hukumomi duk wani abu da ya bayyana musu.
Idan za a iya tunawa a ranar larabar da ta gabata ne wasu ‘yan bindiga su kayi sace Faston Katolika mai suna Rabaran Fada Sylɓester Okechukwu a yankin Tachira da ke ƙaramar hukumar Ƙaura ta Jihar Kaduna inda suka kashe shi ba tare da buƙatar komai ba.
উৎস: Aminiya
কীওয়ার্ড: Kaura
এছাড়াও পড়ুন:
Fedpoly Bauchi Ta Sanya Na’urorin Ɗaukan Hoto ‘CCTV’ Don Daƙile Satar Jarabawa Da Inganta Tsaro
Da ya ke magana kan ziyarar tawatar NBTE, Rector ɗin ya ce aikin sahalewa na da matuƙar muhimmanci domin gano irin ƙoƙari da azamar makaranta a cikin shekaru biyar da suka gabata da nufin tabbatar kayan koya da koyarwa da malamai suna nan kan tsarin da aka amince da tafiyar da su tun da farko.
Ya tabbatar da cewa kwasa-kwasai har guda 78 ne jami’an NBTE suka nazarta a yayin wannan ziyararz, “Tawagar sun gama aikin su na ziyarar, yanzu haka muna zaman jiran sakamakon bincike da bin sawun nasu ne,” ya ƙara shaida.
A nata ɓangaren, Dakta Fatima Umar, daraktan shirye-shiryen kwalejoji kuma jagorar tawagar na NBTE, ta buƙaci kwalejin Kimiyya da fasaha na gwamantin tarayya da ke Bauchi da ya maida hankali wajen magance matsalolin gine-gine da kuma giɓin ma’aikata.
Da take samun wakilcin Adesina Oluade, ta jero sauran matsalolin da ta gano kamar ƙarancin littafai na ɗalibi, mujallu na ilimi, rashin samar da wutar lantarki yadda ya kamata, inda ta ce bangarorin na buƙatar daukan matakan gaggawa.
Umar ta jaddada cewa tsarin sahalewa na da nufin ƙarfafa tabbatar da samar da ilimi mai ingancin da kyautata aiki, inda ta sha alwashin cewa kwamitin zai cigaba da yin gaskiya da adalci a yayin aikinsa.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma