Mata sun ƙwace kasuwancin kayan lambu a Gombe
Published: 23rd, March 2025 GMT
Kallo ya koma sama bayan da mata suka karbe ragamar kasuwancin kayan lambu a a tsakiyar birnin Gombe, inda a baya kasuwancin kayan ya kasance a hannun maza kadai na tsawon lokaci.
Wannan sabon sauyi ya da ya taso a hankali ya faru ne a sakamakon matsalolin kudi da nauyin kula da kai da kuma iyali da suka tilasta matan aure da zawarawa da ma ’yan mata da dama, suka tsunduma harkar wadda a baya ake kallo a matsayin ta maza kadai a wasu yankunan Arewa.
Amma a halin yanzu a wani sashe na Babbar Kasuwar Gombe, mata sun samun damar kafa nasu kasuwancin, kuma yanzu sun fi maza yawa a ciki.
Rayuwar mata a Kasuwar Kayan Lambu
Jaridar Aminiya ta tattaro cewa, mata suna zuwa kasuwa tun da misalin karfe 6 na safe domin fara kasuwanci.
Ga Hajara Adamu, wadda aka fi sani da Maman Nana, kasuwancin kayan lambu ya canza mata rayuwa. Tana da ’ya’ya tara, kuma mijinta na fama da rashin lafiya, hakan ya sa ita ce ke daukar nauyin iyalinta gaba daya.
Ta ce, “Muna bude kasuwa da karfe 6 na safe, sannan muna rufewa tsakanin 10:30 na safe zuwa 1:00 na rana.
“Haka nake samun abin da za mu ciyar da iyalinmu.” Kamar Hajara, mata da dama suna fuskantar mawuyacin hali.
“Wasunsu sun rabu da mazajensu kuma aka bar su da dawainiyar kula da ’ya’yansu su kadai, wasu kuma zawarawa ne da ba su samun wani tallafi daga gwamnati. Haka nan, akwai matasa mata da ke kokarin guje wa talauci.
Dole da kawo sauyin tunani
A baya dukansu sun kasance cikin matsin tattalin arziki, amma yanzu sun zama ginshikai wajen karfafa wa juna gwiwa da samun kyakkyawar fata, suna samun abin dogaro da kai kuma suna mamaye kasuwancin da a baya ya kasance na maza kawai.
“Dole ta sa muka canza tunani, domin wannan kasuwancin ne kawai mafitar rayuwarmu. Ba abu ne gama-gari ba a ga mata Musulmi ’yan Arewa suna sayar da kayan lambu a kasuwa, amma matsin tattalin arziki ya tilasta mana hakan.
“Ta hanyar wannan kasuwanci, muna iya ciyar da ’ya’yanmu da biyan kudin makaranta da kula da iyayenmu tsofaffi har ma da biyan kudin magani ga mazajenmu da ’ya’yanmu da ke fama da rashin lafiya. Dole ne mu gode wa Allah bisa wannan dama,” a cewar Hajara.
Yadda muka faro – Shugabar mata
A matsayinta na Shugabar Mata ’Yan Kasuwar Kayan Lambu, Hajara ta ce suna da kyakkyawar alaka da maza a kasuwar, kuma mazan sun karbe su hannu bibbiyu, har ma da tallafa musu don su samu shiga kasuwancin.
Ta ce, da farko mata da dama ba su da jari, don haka suka dogara da rance daga maza ’yan kasuwa, suna karbar kaya bashi su biya bayan sun sayar.
Amma bayan lokaci ya fara tafiya sai kasuwancinsu ya bunkasa, har ma ya kai yanzu maza sukan zo su sayi kaya daga wurinsu idan nasu ya kare.
“Maza a kasuwa suna ba mu goyon baya. Suna kare mu, kuma suna tabbatar da cewa ba a zalunce mu daga hannun kwastomomi,” in ji Hajara.
Wata mata da ta bukaci a sakaya sunanta ta ce mijinta ya rabu da ita shekaru hudu da suka wuce, ya bar ta da ’ya’ya biyu.
Ta ce, “Rayuwa ta yi matukar wahala har sai da wata mata ta shigar da ni cikin wannan kasuwancin. Na fara ba tare da ko sisi ba, amma ana ba ni kayan lambu a bashi in sayar.
“Yanzu ina iya kula da ’ya’yana, har ma da taimakon wasu. Wannan kasuwanci ya dawo min da martabata.”
Matasan mata na kafa kansu
Da wannan sana’ar Malama Amina Haruna ’yar shekara 19 ta samu mafaka daga masu son cin zarafinta.
Amina, wacce ke sayar da albasa da tumatir da kabeji da karas, ta ce tana amfani da ribar da take samu wajen kula da iyayenta da ’yan uwanta da kuma bukatun kanta.
Matashiyar ta ce bayan kammala sakandare ba ta da kudin ci gaba da karatu, amma yanzu tana zuwa makarantar Islamiyya da safe kafin ta fito kasuwa.
“Ko ba komai gara in ci gaba da wannan kasuwancin fiye da dogaro da mutane da za su iya lalata rayuwata su janyo wa dangina abin kunya.
“Baya ga ciyarwa, ina sayen kaya da sabulu da sauran abubuwan bukata na gida,” in ji matashiyar. Sai dai ta ce wasu maza har yanzu na sukar irin kasuwancin da take yi da nufin su yin lalata da ita, amma “duk da haka, gara in ci gaba da kasuwancin fiye da dogaro da mutane da za su lalata rayuwata”.
Ta kara da cewa, “Ina bai wa ’yan mata shawara su nemi abin yi mai amfani da zai taimaka musu su magance matsalolinsu na kudi domin kar a ci zarafinsu.”
Haka nan, Malama Mabani Amina Abubakar, mai shekaru 22, tana taimaka wa mahaifiyarta, wacce bazawara ce, wajen kula da shagonsu.
Ta ce da farko mahaifiyarta ta ji tsoro saboda maganganun jama’a, amma daga baya ta shiga kasuwancin gadan-gadan wanda yanzu da shi suke ciyar da kansu.
“Mahaifiyata tana gida babu abin yi kuma tana fama da matsalar kudi, har sai da wata kawarta ta shawarce ta da ta shiga kasuwar kayan lambu.
“Alhamdulillah, yanzu muna samun abin dogaro da kanmu. Babbar matsalar ita ce saurin lalacewar kayan lambu,” in ji Mabani tana mai cewa dole su biya kudin kayan da suka karba kowace rana.
Nasarar mata a kasuwar
Wata uwa mai ’ya’ya biyar, Malama Balkisu Ahmed, ta ce rabuwa da mijinta ya jefa ta cikin rashin tabbas a bangaren kudi, amma a yanzu tana cikin nutsuwa kuma tana iya kula da kanta da ’ya’yanta.
Shugaban Dillalan Kayan Lambu a kasuwar, Alhaji Sani Waya, ya amince da cewa mata suna fuskantar matsaloli masu tsanani na kudi.
Ya ce, “A farko, maza ’yan kasuwa ne suka rika ba su kaya bashi, amma cikin dan lokaci da dama sun samu jarinsu da kansu.
“Yanzu ba kawai dogaro da kai suke yi ba, wasu daga cikinsu sun gina gidaje, sun sayi filaye, har ma sun sayi babura da keke mai kafa uku.
“Abin mamaki ne ganin mata sun mamaye wata sana’a ko kasuwanci a wannan kasuwa, domin ba a taba ganin haka ba a baya,” in ji shi.
Ya ci gaba da cewa, “Maza dillalan kayan lambu da dama sun yarda cewa sauyin da aka samu a kasuwar ba abu ne da ba za a iya musantawa ba.
“Kasuwancin da a baya ke hannun maza kadai, yanzu yana ci gaba da bunkasa a karkashin jagorancin mata masu himma, wadanda suka tabbatar da cewa jajircewa da kokari na iya karya duk wani shinge na al’ada.
“Ina farin ciki da yadda wadannan mata suka samu ci-gaba bayan damar da muka ba su.
“Yawancinsu zawarawa ne ko kuma matan da mazajensu suka rasu, suna fama da matsin tattalin arziki,” in ji Alhaji Sani Waya.
উৎস: Aminiya
কীওয়ার্ড: jihar Gombe Kayan lambu wannan kasuwanci kasuwancin kayan wannan kasuwa kayan lambu a
এছাড়াও পড়ুন:
Dalilin Nijeriya Na Karbo Bashin Dala Biliyan 12 Daga Kasar Japan
Ministan Ma’aikatar Aikin Gona da Samar da Wadaccen Abinci, Sanata Abubakar Kayri ne ya bayyana a haka, a cikin sanarwar da ma’aikatar ta fitar.
“Mun samar da tsarin samar da wadataccen abinci a kasar nan, wanda kowanne dan kasar zai amfana da shi”, in ji Kyari.
Daga cikin manyan abubuwan da suka hada da bashin sun hada da; samar da ingantaccen Irin Shinkafa da kuma habaka yadda ake samar da Irin na Shinkafar.
Sauran sun hada da mayar da hankali wajen yin girbin mai kyau, samar da nau’ikan Shinkafar da ke jurewa kowacce irin cutar da ke lalata Irin Shinkafar da aka shuka, aka ajiye a cibiyar gudanar da bincike kan amfanin gona (NCRI) da ke yankin Badeggi a Jihar Neja.
Kazalika, akwai kuma bukatar kara bunkasa kayan aikin gona, inganata aikin malaman gona, amfani da kayan aikin gona na kimiyya domin rika samar da bayanai a kan lokaci, musamman wanda ya shafi sauyin yanayi, samar da farashin kayan amfanin gona a kasuwa, dakile barkewar kwarin da ke lalata amfanin gona da sauransu.
A nasa jawabin, Karamin Minista a Ma’aikatar Aikin Gona da Samar da Wadataccen Abinci, Dakta Abdullahi Sabi Abdullahi, ya bayyana gamsuwar da cewa, shuka ingantaccen Irin noma zai taimaka wajen ciyar da daukacin ‘yan Nijeriya gaba.
Dakta Abudullahi ya kara da cewa, ingantancen Iri shi ne, kashin bayan da zai kawo karshen kalubalen da bangeren samar da wadataccen abinci a kasar.
“Wannan hadaka za ta kara karfafawa, musamman kananan manoma na kasar nan guiwa, ta hanyar yin amfani da aikin karfafa wa kanannan manoma gwiwa, wato SHEP, wanda a yanzu aikin ya karade jihohi 14 na kasar nan”, a cewar Abdullahi.
Kazalika, wannan hadakar ta kasance tamkar cike wani gibi ne a tsakanin gudanar da bincike, yin aiki a aikace tare kuma da samar wa manoman kasar nan kayan aikin gona na zamani da kuma samar musu da ilimin kwarewar da ya kamata a fannin na aikin noma.
Shi kuwa, Darakta Janar na Hukumar, wanda kuma shi ne har ila yau, ya jagoranci tawagar kasar ta Japan, Takao Shimokawa ya bayyana cewa, Hukumar ta JICA da kuma Kasar Japan, sun mayar da hankali wajen ganin an bunkasa bangaren noman Shinkafa a Afirka, musamman ma a Nijeriya, duba da cewa, kasar ta kasance kan gaba wajen noman Shinkafa.
Wannan shirin ya nuna a zahiri irin mayar da hankalin da gwamnatin tarayya da Hukumar JICA suka yi, don kara habaka bangaren samar da wadataccen abinci a kasar nan.
Daga kanmu, magana ta ƙare. Kuna iya samun rahotanni da ɗumi-ɗuminsu da gamsassun ruwayoyin labarai daban da na saura kai-tsaye cikin wayoyinku. Shiga zaurenmu na WhatsApp don sanin halin da ake ciki a duniya ko yaushe
Shiga zaurenmu na WhatsApp
Gwmana Lawal Ya Bayyana Wa UNICEF Shirin Jihar Zamfara Na Ƙaddamar Da Dokar Kare Al’umma